1 ሴና 26

ኤግዶተ በልበላ

1 አከ እት ኤግዶን ከራ ቆደመን፦

ጎሰ ቆሬ ኬሳ፦

እልማን አሳፍ ኬሳ ሜሼሌምያ እልመ ቆራህ።

2 ሜሼሌምያ እልማን ቀበ ቱሬ፤ እሳንስ፦

እን ሀንገፍት ዘካርያስ፣ ለመፋን ዬዲኤል፣

ሰደፋን ዘባድያ፣ አፉረፋን የትኒኤል፣

3 እን ሸነፋን ኤላም፣ ጀአፋን ዬሆሃናን፣

ቶርበፋን ኤሊሆኤነይ።

4 ኦቤድ ኤዶምስ አከሱመ እልማን ቀበ ቱሬ፤ እሳንስ፦

እን ሀንገፍት ሼማእያ፣ ለመፋን ዬሆዛባድ፣

ሰደፋን ዮኣ፣ አፉረፋን ሳካር፣

ሸነፋን ናትናኤል፣ 5 ጀአፋን አሚኤል፣

ቶርበፋን ይሳኮር፣ ሰዴተፋን ጴኡሌቲ፤

ዋቅን ኦቤድ ኤዶምን ኤብሴራቲ።

6 ሼማእያን እልምሳስ እልማን ቀበ ቱሬ፤ እሳንስ ዋን ደንዴቲ ጉዳ ቀበኒፍ ቀጄልችቶተ ማቲ አባሳኒ ቱረን። 7 እልማን ሼማእያ፦

ኦትኒ፣ ራፋኤል፣ ኦቤዲፊ ኤልዛባድ፤

ፍሮንሳ ኤሊሁፊ ሰማክያንስ ደንዴቲ ጉዳ ቀቡ ቱሬ።

8 እሳን ኩኔን ሁንድ እልማን ኦቤድ ኤዶም፤ እሳን፣ እልማንሳኒቲፊ ፍሮንሳኒ ነሞተ ጀጀቦ ደንዴቲ ሆጂ ቀበን ቱረን፤ እልማን ኦቤድ ኤዶም፤ ወሉመት ነመ 62 ቱረን።

9 ሜሼሌምያፊ ፍሮተ ደንዴቲ ጉዳ ቀበን ቀበ ቱሬ፤ እሳንስ ወሉመት ነመ 18 ቱረን።

10 ሆሳን እን ጎሰ ሜራሪ ሱን እልማን ቀበ ቱሬ፤ እሳንስ፦

ሽምሪን ዱረ ቡኣ ቱሬ፤ እን ሀንገፈ ተኡ ባቱዩ አባንሳ ዱረ ቡኣ እሰ ጎዼ ቱሬ፤

11 እን ለመፋን ህልቅያ፣ እን ሰደፋን ጥበልያ፣

እን አፉረፋን ዘካርያስ።

እልማኒፊ ፍሮን ሆሳ ወሉመት ነመ 13 ቱረን።

12 ገሬ ኤግዶተ ከራ ከነ ኬሳ ሀንገፎተሳኒቲፍ ሆጂን አኩመ ፍሮንሳኒ ሆጄተን ሰና መነ ዋቀዮ ኬሰ ተጃጅሉ ንኬነሜፍ። 13 ቶኮ ቶኮ በልበላቲፍስ አኩመ ማቲ ማቲሳኒት ጥና ጉዳፍ እጣን ቡኤ።

14 እጣን ከረ በአ ቢፍቱ ሼሌምያፍ በኤ።

ኤርገሲሞ ዘካርያስ እልመሳ ጎርስቱ ኦጌሰ ሰናፍ እጣን ቡኤ፤ እጣን በልበለ ካባ እሳፍ በኤ።

15 እጣን ከረ ገመ ክባ ኦቤድ ኤዶሚፍ፣ ከን መንኩሳሞ እልማንሳቲፍ በኤ።

16 እጣን ከረ ልጠ ቢፍቱቲፊ ከረ ሸሌኬት ከን ዳንዲ ኦሊረት አርገሙ ሹፊሚፊ ሆሳፍ በኤ።

ኤጉምሰ ቶኮ ፉሌዻን ኤጉምሰ ብራቱ ቱሬ፦

17 ከራ በአ ቢፍቱቲን ጉያ ጉያት ሌዎተ ጀአ፣

ከራ ካባቲን ጉያ ጉያት አፉር፣

ከራ ክባቲን ጉያ ጉያት አፉር

ከራ መንኩሳሞ ዬሮ ቶኮት ለመቱ ቱሬ።

18 ኦብዲ ገመ ልጠ ቢፍቱቲን ጅሩፍ ዳንዲረ አፉር፣ ወልተጅቸ ጉባሞ ለመቱ ቱሬ።

19 እሳን ኩኔን ገሬ ኤግዶተ ከራ ከኔን እልማን ቆራሂቲፊ ሜራሪ ኬሳ ዹፈኒዸ።

ቶአቶተ ቀቤኛቲፊ ቆንዳልቶተ ብራ

20 ሌዎተ ኬሳ አሂያን እት ጋፈተማ ቀቤኘ መነ ዋቃቲፊ እት ጋፈተማ ምኦተ ቁልቁሌፈመኒ ቱሬ።

21 ሰኚወን ለአዳን ከኔን ከራ ለአዳኒቲን ጌርሹኖተ ተአን ወር ሀንገፎተ ማቲ ለአዳን ነምቸ ጎሰ ጌርሾን ሰና ቱረን፦ ዬሂኤሊ፣ 22 እልማን ዬሂኤሊ፣ ዜታሚፊ ኦቦሌሰሳ ዮኤል። እሳን ኩንስ እት ጋፈተምቶተ ቀቤኘ መነ ቁልቁሉማ ዋቀዮ ቱረን።

23 አምራሞተ ኬሳ፣ ይዝሃሮተ ኬሳ፣ ኬብሮኖተ ኬሳ፣ ኡዚኤል ኬሳ፦

24 ሼቡኤል እልም ጌርሾም እልመ ሙሴ ሰና እት ጋፈተማ ቀቤኛ ሀንገፈ ቱሬ። 25 ነሞትን ከራ ኤሊኤዜሪቲን ፍሮተሳ ተአንሞ፦ እልመሳ ሬሃብያ፣ እልመሳ እሳያስ፣ እልመሳ ዮራም፣ እልመሳ ዝክሪፊ እልመሳ ሼሎሚት። 26 ሼሎሚቲፊ ፍሮንሳ መንኩሳ ምኦተ ዳዊት ሞትች፣ ሀንገፎትን ማቲወኒ ከኔን አጀጁወን ኩማቲፊ አጀጁወን ዽባ ቱረን፣ አከሱመስ አጀጆትን ሎልቶታ ብራ ዋቃፍ አዳን ባሰንረት እት ጋፈተምቶተ ቱረን። 27 እሳን ቦጁ ወራናን አርገሜ ኬሳ ገረ ቶኮ ሃሮምሱ መነ ቁልቁሉማ ዋቀዮቲፍ አዳን ባሰኒ ኬነን። 28 ዋን ሳሙኤል ነምች ሙልአተ አርጉ ሱን፣ ሳኦል እልም ቂሽ፣ አብኔር እልም ኔሪፊ ዮኣብ እልም ዜሩያ ዽኤሰኒፊ ዋን ዋቃፍ አዳን ባፈሜ ሁንደ ሼሎሚቲፊ ፍሮተሳቱ ኤገ ቱሬ።

29 ይዝሃሮተ ኬሳ፦

ኬናንያፊ እልማንሳ ሆጂ መነ ቁልቁሉማቲን አለ ተኤት እስራኤሎተረት ቆንዳልቶታፊ አቦቲ ሙርቲ ተአኒ ረመደመን።

30 ኬብሮኖተ ኬሳ፦

ሀሸብያፊ ፍሮንሳ ከኔን ደንዴቲ ቀበን ኩመ ቶኮፊ ዽበ ቶርበ ብየ እስራኤል ከን ዮርዳኖሲን ገመ ልጠ ቢፍቱ ጅሩት ሆጂ ዋቀዮ ሁንዳፊ ተጃጅለ ሞትቻረት እት ጋፈተምቶተ ቱረን። 31 ኬብሮኖተ ኬሳ አኩመ ገልሜ ህዳ ዸሎተ ማቲሳኒት ዬርያን ሀንገፈሳኒ ቱሬ።

በረ ሞቱማ ዳዊት ኬሰ ወጋ አፉርተመፋት ገልሜወን እላለመኒ ጎሰ ኬብሮን ኬሳ ነሞትን ደንዴቲ ቀበን የእዜር ብየ ግልኣድ ኬሳ ሰነት አርገመን። 32 ይሪያን ፍሮተ ደንዴቲ ቀበን ከኔን ሀንገፎተ ማቲ ቱረን ኩመ ለማፊ ዽበ ቶርበ ቀበ ቱሬ፤ ዳዊት ሞትችስ ዋን ከን ዋቃ ተኤፍ ዽመ ሞትቻ ሁንደረት ጎሰ ሩቤን ጎሰ ጋዲፊ ወለካ ጎሰ ምናሴ ቶአቶተ ጎዼ።