2 ሴና 12

ሺሻቅ ዬሩሳሌምት ዱሌ

1 ሬሆቦኣም ኤርገ ሞቲ ተኤ ሞቱማሳ ጭምሰቴ ቦዴ እኒፊ እስራኤሎን እሰ ወጅን ጅራተን ሁንድ ሴረ ዋቀዮ ኤጉ ድደን። 2 ሰበቢ እሳን ዋቀዮፍ አመነሙ ድደኒፍ ወጋ ሸነፋ ሬሆቦኣም ሞቲ ተኤት ሺሻቅ ሞቲን ግብጥ ዬሩሳሌምን ወራኔ። 3 እንስ ጋሪወን ኩመ ቶኮፊ ዽበ ለመ፣ አቦቲ ፈርዳ ኩመ ጃተማፊ ሎልቶተ ሊብያ፣ ከን ሱኪሚቲፊ ከን እቶጵያ ወረ ባይእንሳኒ ህንቤከምኔ ከኔን እሰ ወጅን ግብጢ ዹፈን ፉዸቴ፣ 4 መጋላወን ይሁዳ ከኔን ጀጀቤፈመኒ እጃረመን ቀበቴ ሀመ ዬሩሳሌሚት ንዹፌ።

5 ኤርገሲ ሼማእያን ራጅች ገረ ሬሆቦኣሚፊ ቡልችቶተ ይሁዳ ከኔን ሺሻቅ ሶዳተኒ ዬሩሳሌም ኬሰት ወልት ቀበመኒ ዹፌ፣ "ዋቀዮ አከነ ጄዸ፤ ‘እስን ነ ዺፍተን፤ አንስ ሀርከ ሺሻቅት እስን ኬኔረ’ " ጄዼ።

6 ቡልችቶትን እስራኤሊፊ ሬሆቦኣም ሞትች ገድ ኦፍ ዴብሰኒ፣ "ዋቀዮ ቀጄላዸ" ጄዸን።

7 ዮሙ ዋቀዮ አከ እሳን ገድ ኦፍ ዴብሰን አርጌት፣ ዱቢን ዋቀዮ አከነ ጄዼ ገረ ሼማእያ ዹፌ፤ "ዋን እሳን ገድ ኦፍ ዴብሰኒፍ፣ አን ደፌን እሳን ፉረ መሌ እሳን ህንበሌሱ። ዼከምስኮስ ከራ ሺሻቂን ዬሩሳሌምት ህንዸንገላሱ። 8 ተኡስ እሳን አከ ገራ ገሩማ አነ ተጃጅሉፊ ሞቶተ ብየ ብራ ተጃጅሉ ግዱ ጅሩ ቤከኒፍ እሳፍ ንገርቦሙ።"

9 ሺሻቅ ሞቲን ግብጥ ዬሮ ዬሩሳሌም ቀበቴት ቀቤኘ መነ ቁልቁሉማ ዋቀዮቲፊ ቀቤኘ መሰራ ሞቱማ ጉረቴ ዴሜ። ጋቸነወን ወርቄ ከኔን ሶሎሞን ሆጄቴ ደበለቴ ዋን ጉረቴ ገሌ። 10 ከናፉ ሬሆቦኣም ሞትች እዶሳኒ ቡሱፍ ጄዼ ጋቸነ ናሲ ሆጄቴ አጀጁወን ኤግዶተ ደበሬ ኤጉምሰ በልበለ መሰራ ሞቱማት ኬኔ። 11 ዬሮ ሞትች ገረ መነ ቁልቁሉማ ዋቀዮ ዸቁ ሁንደ ኤግዶን ሱን ጋቸነ ሰነ ባቻ እሰ ወጅን ዴመኒ ኤርገሲሞ ኩታ ኤግዶታት ዴብሱ ቱሬ።

12 ሰበቢ ሬሆቦኣም ገድ ኦፍ ዴብሴፍ ዼከምስ ዋቀዮ እሰራ ንዴብኤ፤ ከናፉ እን ጉቱማት ህንበሌፈምኔ፤ ዹጉማን ይሁዳ ኬሰ ሃለ ጋሪቱ ቱሬ።

13 ሬሆቦኣም ሞትችስ ዬሩሳሌም ኬሰት ኦፍ ጭምሴ ሞቲ ተኤ ንጅራቴ። ዬሮ እን ሞቲ ተኤት ኡሙሪንሳ ወጋ አፉርተሚ ቶኮ ቱሬ። እንስ ወጋ ኩዸ ቶርበ ዬሩሳሌም መጋላ ዋቀዮ መቃ ኦፊሳ አች ካአቹፍ ጄዼ ጎሶተ እስራኤል ሁንደ ኬሳ ፍለቴ ሰነ ኬሰት ሞቲ ተኤ ቡልቼ። መቃን ሃዸሳ ነአማ ቱሬ፤ እሼንስ ጎሰ አሞን ቱርቴ። 14 እን ሰበቢ ዋቀዮን በርባዱፍ ገራሳ ህንቆጴስኒፍ ዋን ሀማ ሆጄቴ።

15 ወንቶትን በረ ሞቱማ ሬሆቦኣም ኬሰ ጀልቀባ ሀመ ዹማት ሆጄተመን ገልሜ ሴና ከን ሼማእያ ራጅቻፊ ሴና ዸሎታ ከን እዶን ነምች እላላን ሱን በሬሴ ኬሰት በሬፈመኒሩ ምቲ? ሬሆቦኣሚፊ ዬሮብኣም ግዱ ወራነ ገርገር ህንጭኔቱ ቱሬ። 16 ሬሆቦኣም አቦቲ ኦፊ ወጅን ቦቆቴ መጋላ ዳዊት ኬሰት ንአዋለሜ። እልምሳ አብያን እዶሳ ቡኤ ሞቲ ተኤ።