2 ሴና 18

ሚክያስ ዋን አሃቢን ሞርሙ ራጄ

1 ዬሆሻፋጥ ዬሮ ከነት ቀቤኛፊ ኡልፍነ ጉዳ ቀበ ቱሬ፤ እንስ ከራ ፉዻቲን አሃብት ንፍሮሜ። 2 እንስ ወጎተ ሙራሰ ቦዴ አሃብን አርጉፍ ገረ ሰማርያት ገድ ቡኤ። አሃብስ እሳፊ ነሞተ እሰ ወጅን ቱረኒፍ ሆሎታፊ ሰንጎተ ባይኤ ቀሌ አከ እን ራሞት ግልኣድ ሎሉ እሰ ሶሶበቴ። 3 አሃብ ሞትች እስራኤል፣ "አት ራሞት ግልኣድን ሎሉፍ ነ ወጅን ንባታ?" ጄዼ ዬሆሻፋጥ ሞትቸ ይሁዳ ጋፈቴ።

ዬሆሻፋጥስ፣ "አን አኩመኬት፤ ሰብንኮስ አኩመ ሰበኬቲት፤ ኑ ወራነ ከነረት እስን ወጅን ዻበትነ" ጄዼ ዴብሴ። 4 ዬሆሻፋጥ ገሩ ሞቲ እስራኤሊን፣ "ዱራን ዱርሲ ጎርሰ ዋቀዮ ጋፈዹ" ጄዼ።

5 ከናፉ ሞትች እስራኤል ራጆተ ዽበ አፉር ወልት ቀቤ፣ "ኑ ራሞት ግልኣድን ሎሉዻፍ ባኑሞ ዺስኑ?" ጄዼ ንጋፈቴ።

እሳንስ፣ "ዸቅ፤ ዋቅን ደበርሴ ሀርከ ሞትቻት እሼ ኬናቲ" ጄዸኒ ዴብሰኒፍ።

6 ዬሆሻፋጥሞ፣ "አከ ኑ ዋ እሰ ጋፈኑፍ ራጂን ዋቀዮ ቶኮዩ አስ ህንጅሩ?" ጄዼ ጋፈቴ።

7 ሞቲን እስራኤልሞ ዬሆሻፋጢን፣ "አመሌ ነምች ኑ ከራሳቲን ዋቀዮን ዋ ጋፈቹ ደንዴኙ ቶኮ ጅረ፤ ገሩ ሰበቢ እን ዬሮ ሁንደ ዋኤኮ ዋን ሀማ መሌ ዋን ጋሪ ራጂ ህንዱበኔፍ አን እሰ ነንጅበ። እንስ ሚካያ እልመ ይምላት" ጄዼ።

ዬሆሻፋጥሞ ዴብሴ፣ "ሞትች አከስ ጄቹ ህንቀቡ" ጄዼን።

8 ከናፉ ሞቲን እስራኤል ቆንዳልቶተሳ ኬሳ ነመ ቶኮ ዋሜ፣ "ዸቂቲ ሚካያ እልመ ይምላ ሰነ ደፊ ፍድ" ጄዼን።

9 ሞትች እስራኤሊፊ ዬሆሻፋጥ ሞቲን ይሁዳ ኡፈተሳኒ ከን ሞቱማ ኡፈተኒ በልበለ ሰማርያ ሴንስሱ ብረ ኦብዲ ኬሰ ቴሶሳኒረ ተታአኒ ራጆትን ሁንድሞ ፉለሳኒ ዱረት ራጂ ዱበቻ ቱረን። 10 ከነረት ዜዴቅያን እልም ኬንኣና ጋንፈወን ስቢላ ቶልቼ፣ "ዋቀዮ፣ ‘አት ሀመ እሳን ዹመንት ጋንፈወን ከኔኒን ወረ ሶርያ ንወወራንተ’ ጄዸ" ጄዼ ለብሴ።

11 ራጆትን ካን ሁንድኑስ ዋኑመ ከነ ራጀን። እሳንስ፣ "ዋቀዮ ደበርሴ ሀርከ ሞትቻት እሼ ኬናቲ፣ ራሞት ግልኣድን ሎሊ ሞአዹ" ጄዸን።

12 ኤርገማን ሚካያ ዋሙ ዸቄ ሱንስ፣ "ኩኖ ራጆትን ካን ኡቱ ገርገር ህንጎርን ምልካኡ ሞትቻፍ ህማ ጅሩ። ማሎ ዱቢንኬስ ዱቢሳኒቲን ቶኮ አከ ተኡፍ አትስ ዋን ቶላ ዱበዹ" ጄዼን።

13 ሚካያን ገሩ ዴብሴ፣ "ዹጋ ዋቀዮ ጅራታ፣ አን ዋኑመ ዋቅንኮ ጄዹ ቆፈን እሰት ህመ" ጄዼ።

14 ዮሙ እን አች ገኤትስ ሞትች፣ "ያ ሚካያ፣ ኑ ራሞት ግልኣድት ዱሉሞ አን ዺሱ?" ጄዼ እሰ ጋፈቴ።

ሚካያንስ፣ "እሳን ደበርፈመኒ ሀርከኬት ኬነሙቲ ወራኒ ሞአዹ" ጄዼ ዴብሴ።

15 ሞትችሞ፣ "አን ዬሮ ሀመምን አከ አት ዹጋ መሌ ዋን ቶኮሌ ነት ህንህምኔ መቃ ዋቀዮቲን ስ ከከቺሰ?" ጄዼን።

16 ከነረት ሚካያን አከነ ጄዼ ዴብሴ፤ "አን እስራኤሎተ ሁንደ አኩመ ሆሎተ ትክሴ ህንቀብኔት ጋረረት ብትናአን ነንአርጌ። ዋቀዮስ፣ ‘ሰብን ኩን ጎፍታ ህንቀቡ። ቶኮን ቶኮንሳኒ ነጋዻን መነሳኒት ሃዴብአን።’ "

17 ሞቲን እስራኤልስ ዬሆሻፋጢን፣ "አን አከ እን ዋኤኮ ዋን ሀማ መሌ ዋን ጋሪ ቶኮዩ ህንራጅኔ ስት ህንህምኔ?" ጄዼ።

18 ሚክያስ እቱመ ፉፌ አከነ ጄዼ፤ "ከናፉ አት ዱቢ ዋቀዮ ዸገእ፤ አን ኡቱ ዋቀዮ ቴሶሳረ ታኤ፣ ኤርገሞትን ሰሚ ሁንድስ ምርጋፊ ብታሳቲን ዸዻበተኑ ነንአርጌ። 19 ዋቀዮስ፣ ‘ኤኙቱ አከ እን ዸቄ ራሞት ግልኣድን ሎሌ አችት ዱኡፍ አሃብ ሞትቸ እስራኤል ጎዎምሰ?’ ጄዼ።

"እን ቶኮ ዋን ቶኮ ጄዸ፤ እን ካንሞ ዋን ብራ ጄዸ። 20 ዹመረት ሀፉር ቶኮ ዹፌ ፉለ ዋቀዮ ዱረ ዻበቴ፣ ‘አነቱ እሰ ጎዎምሰ’ ጄዼ።

"ዋቀዮስ፣ ‘አት ማሊን እሰ ዶጎጎርስተ?’ ጄዼ እሰ ጋፈቴ።

21 "እንስ፣ ‘አን ዸቄ አፋን ራጆተሳ ሁንደ ኬሰት ሀፉረ ሶባ ነንተአ’ ጄዼ።

"ዋቀዮስ፣ ‘ዸቂቲ እሰ ዶጎጎርስ፤ ንምልኮፍታቲ’ እሳን ጄዼን።

22 "ከናፉ ዋቀዮ አመ አፋን ራጆተኬ ከኔኒ ኬሰ ሀፉረ ሶባ ካኤረ። ዋቀዮ በዲሰ ስት አጀጄረ።"

23 ከነረት ዜዴቅያን እልም ኬንኣና ኦል በኤ ሚካያ ፉለ ኬሰ ከበሌ፣ "ሀፉር ዋቀዮ ዮሙ ስት ዱበቹፍ ነ ብራ በኤት ከራ ከም ዴሜ?" ጄዼ ጋፈቴ።

24 ሚካያንስ፣ "አት ጋፈ ዾከቹፍ ጄቴ ገረ ኩታ መና ከን ገረ ኬሳት ኦል ገልቱት አርግተ" ጄዼ ዴብሴፍ።

25 ከነረት ሞቲን እስራኤል አከነ ጄዼ አጀጄ፤ "ሚካያ ፉዻቲ ገረ ኣሞን ቡልቻ መጋላፊ ገረ ዮኣሽ እልመ ሞትቻት ጌሳቲ፣ 26 ‘ሞትች አከነ ጄዸ፦ ሀመ አን ነጋን ዴብኡት ነምቸ ከነ መነ ህዻ ኬሰ ቡሳ፤ ቡዴናፊ ብሻን መሌስ ሆማ ህንኬንናፊ’ ጄዻን።"

27 ሚካያንሞ፣ "ዮ አት ነጋን ዴብቴ፣ ዋቀዮ ከራኮቲን ህንዱበትኔ" ጄዼን። እቱመ ፉፌስ፣ "ያ ሰቦተ፣ እስን ሁንድ ዱቢኮ አኬከዻ!" ጄዼ።

አሃብ ራሞት ግልኣድት አጄፈሜ

28 ከናፉ ሞቲን እስራኤሊፊ ዬሆሻፋጥ ሞቲን ይሁዳ ራሞት ግልኣድት ኦል በአን። 29 ሞቲን እስራኤል ዬሆሻፋጢን፣ "አን ኤኙማኮ ዾክፈዼን ሎለ ሴነ፤ አት ገሩ ኡፈተ ሞቱማ ኡፈዹ" ጄዼ። ከናፉ ሞቲን እስራኤል ኤኙማ ኦፊሳ ዾክፈቴ ሎለ ሴኔ።

30 ዬሮ ከነት ሞቲን ሶርያ አጀጆተ ጋሪወንሳቲን፣ "ሞቲ እስራኤልት መሌ ጥናስ ተኡ ጉዳት፣ ነመ ቶኮቱ ሎለ ህንካስና" ጄዼ አጀጄ። 31 አጀጆትን ጋሪወኒ ዮሙ ዬሆሻፋጥን አርገንት፣ "ኩን ሞቲ እስራኤል" ጄዸኒ ያደን። ከናፉ እሰ ሩኩቱፍ እት ገረገለን፤ ዬሆሻፋጥ ገሩ ጉድሴ እዬ፤ ዋቀዮስ እሰ ገርጋሬ። ዋቅንስ እሰራ እሳን ዴብሴ፤ 32 አጀጆትን ጋሪወኒስ ዮሙ አከ እን ሞቲ እስራኤል ህንተእን አርገንት እሰ አርኡ ዺሰን።

33 ገሩ ነምች ቶኮ ጥየ ኦፊሳ ደርበቴ አኩመ ተሳ ቆሜ ስቢላ ግዱዻን ሞትቸ እስራኤል ንወራኔ። ሞትችስ ኦፍቱ ጋሪሳቲን፣ "ጋሪ ናኔሲቲ ሎለ ኬሳ ነ ባስ። አን መዳኤራቲ" ጄዼ። 34 ሎል ሱንስ ጉያ ጉቱ እቱመ ጭሜ ኦሌ፤ ሞቲን እስራኤልስ ኦል ጄዼ ሀመ አዱን ዺቱት ገረ ወረ ሶርያት ገረገሌ እርከቴ ጋሪሳ ኬሰ ኦሌ። ዮሙ ቢፍቱን ልጤትስ ንዱኤ።