4 Mbufo ikpehe kaña mme mmọ emi enamde utom ke mme iñwañ mbufo okuk utom mmọ. Ekpañ utọñ ekop uyo eseme mmọ. Eyet mme mmọ emi edọkde idọk ke iñwañ mbufo esim utọñ Abasi, ye Ọbọñ andikpon ñkan.
16 Ke ntre, eyarade idiọkñkpọ mbufo enọ kiet eken, enyuñ ebọñ akam enọ kiet eken, man ekọk udọñọ mbufo. Akam edinen owo enyene odudu eti eti.
19 Nditọ ete mi, edieke owo mbufo kiet oyode ọkpọñ akpanikọ, ndien owo kiet efen ada enye afiak edi, 20 eti emi ete: Owo ekededi emi ọwọñọrede anam idiọk ọkpọñ mme ukwañ usuñ esie, eyenyaña ukpọñ anam idiọk oro osio ke ñkpa, onyuñ anam edahado enọ enye ke mme ediwak ndudue esie.