सहेलीमन
1 हे माईलोगन म परम सुन्दरी,
तोर मयारू ह कहां चल दीस?
तोर मयारू ह कते अंग चल दीस,
बता कि हमन घलो तोर संग ओला खोजन?
दुलहिन
2 मोर मयारू ह खाल्हे अपन बारी कोति गे हवय
जिहां मसाला के पऊधामन के क्यारी हवय,
ओह बारी म भेड़-बकरी चराय बर
अऊ कुमुदिनी फूल बटोरे बर गे हवय।
3 मेंह अपन मयारू के अंव अऊ मोर मयारू ह मोर अय;
ओह भेड़-बकरी ला कुमुदिनी फूलमन के बीच म चराथे।
दूल्हा
4 हे मोर मयारू, तें तिरसा6:4 तिरसा ह उत्तरी इसरायल के पहिले के राजधानी रिहिस; देखव 1 राजा 14:17 अऊ 15:33 के सहीं सुघर,
यरूसलेम के सहीं मनभावन,
अऊ धजा फहरावत सेना सहीं सानदार हस।
5 अपन नजर ला मोर कोति ले हटा ले;
काबरकि ओमन मोला अभिभूत कर देथें।
तोर चुंदी ह गिलाद पहाड़ ले उतरत
छेरीमन के बरदी सहीं अय।
6 तोर दांतमन नहा-खोरके ऊपर आवत
भेड़मन के बरदी सहीं अंय,
जेमा ले हर एक के जुड़वां हवय,
अऊ ओमा के कोनो नइं गंवाय हवय।
7 तोर घूंघट के भीतर तोर कनपटी ह
अनार के आधा फर के सहीं अय।
8 उहां साठ झन रानी,
अऊ अस्सी झन रखैल,
अऊ अब्बड़ अकन कुंवारी नोनीमन हो सकथें;
9 पर मोर पंड़की, मोर सिद्ध जन ह तो अनोखा अय,
ओह तो अपन दाई के एकलऊती बेटी अय,
अऊ अपन जनम देवइया दाई के दुलारी अय।
जवान माईलोगनमन ओला देखिन अऊ ओला धइन कहिन;
रानीमन अऊ रखैलमन ओकर बड़ई करिन।
सहेलीमन
10 येह कोन ए, जेकर सोभा बिहान पाय के सोभा सहीं हवय,
चंदा के सहीं साफ-सुघर, सूरज के सहीं चमकीला,
अऊ धजा धरे सेनामन सहीं सोभायमान हवय?
दुलहिन
11 मेंह अखरोट के बारी म गेंव
कि घाटी म नवां बढ़त रूख-रई ला देखंव,
अऊ देखंव कि अंगूर के नारमन म पीका आवत हे कि नइं
या अनार के रूख म फूल फूलत हे कि नइं।
12 एकर पहिली कि में ये बात ला समझतेंव,
मोर मन ह मोला मोर मनखेमन के राजसी रथमन म लगा दीस।
सहेलीमन
13 लहुंट आ, लहुंट आ, हे सुलाम के माईलोगन;
लहुंट आ, लहुंट आ, कि हमन तोला एकटक देखन!
दूल्हा
दू ठन दलमन6:13 महनैम, देखव उत 32:2 के नाचा ला देखे सहीं,
तुमन सुलाम के माईलोगन ला एकटक काबर देखहू?