1 ज़ै तम्हां मांझ़ै कुंण दुजै विश्वासी लै मकदमअ करे, तम्हैं निं लोल़ी तिन्‍नां मणछा सेटा आपणैं फैंसलै करदै डेऊऐ ज़ुंण विश्वासी निं आथी। तम्हां लागा टोली दी आपणैं विश्वासी भाई मांझ़ै डेऊई फैंसलअ करनअ कि तिन्‍नां मांझ़ै कुंण ज़ण्हअ आसा शुचअ। 2 तम्हां का आसा थोघ कि परमेशरे पबित्र मणछा करनअ आजू एऊ संसारे मणछो फैंसलअ। तैही सका तम्हैं आप्पू मांझ़ै इना होछ़ै-होछ़ै झ़गल़ैओ फैंसलअ करी कि कुंण आसा शुचअ।✝

3 तम्हां का आसा थोघ कि आजू करनअ हाम्हां स्वर्ग दूतो फैंसलअ बी, हाम्हैं सका संसारे होछ़ी-होछ़ी आम गल्‍लो फैंसलअ बी करी।

4 ज़ै तम्हैं एही गल्‍लो फैंसलअ करे, पांच़ निं इहअ लोल़ी हुअ ज़सरअ टोली दी कोहै विश्वासी निं अदर करदै। 5 मंऐं लाई अह गल्‍ल तम्हां लै तै बोली ताकि तम्हां शरम एछे, कि सच्च़ी तम्हां मांझ़ै एक बी मणछ निं समझ़कार आथी, ज़ुंण आपणैं विश्वासी भाईओ फैंसलअ करी सके?