1 पतरास 2

12 तम्हां फेर रहा तिंयां लोग ज़ुंण परमेशरा दी विश्वास निं करदै तिंयां सका इहअ तम्हां लै दोश लाई कि थारै काम आसा बूरै। तैही डाहणअ धैन कि तम्हैं किहअ बभार करा, ताकि तिंयां थारअ भलअ बभार भाल़े। खिरीए धैल़ी मनणी तिन्‍नां अह गल्‍ल कि थारअ बभार आसा भलअ अर खिरी करनअ परमेशरो अदर ज़ेभै मसीहा ईशू संसारे नसाफ करदअ पृथूई लै फिरी एछणअ।✝2:12 मोत्त. 5:16; तित. 2:7-8

परमेशरे दास

13 प्रभूओ अदर करना लै लागा हाम्हां तिन्‍नों हुकम मनणअ ज़ुंण संसारै हाम्हां प्रैंदै राज़ करा, ज़िहअ कि राज़अ, ज़ुंण सोभी प्रैंदै प्रधान आसा। 14 हाकम, ज़हा लै राज़ै आसा हक दैनअ द, तिंयां आसा तिन्‍नां लै सज़ा दैंदै छ़ाडै दै ज़ुंण गलत करा अर तिन्‍नां सराहंदै ज़ुंण भलअ करा।