9 पर तेऊ बोलअ हर बगत इहअ, "ताल्है आसा मेरअ जश ई बतेर्हअ। किल्हैकि मेरी शगती करा कमज़ोरी दी खास्सअ काम।" तैही करनअ मुंह आपणीं कमज़ोरी प्रैंदै बडै नंदा दी घमंड कि ईशू मसीहे शगती लोल़ी मुंह प्रैंदै बणी रही। 10 एता पिछ़ू आसा हुंह मसीहा लै कमज़ोरी दी, अर निंदा दी अर दल़िदरा दी, अर लोगे बरोधा मांझ़ै मसीबता अर मसीबता दी खुश, किल्हैकि ज़ेभै हुंह आत्मां दी दुबल़अ हआ, मसीहे शगती करै हआ हुंह ज़ोरा आल़अ जोधअ।