2 थिस्सलूणी 3

प्राथणां करने अरज़

1 भाईओ, खिरी बोला हुंह इहअ कि हाम्हां लै बी करा प्राथणां कि ज़ेतरअ छ़ेक्‍कै हई सके हाम्हैं प्रभू ईशूओ खुशीओ समाद हर ज़ैगा खोज़ी सके अर ज़िहअ तम्हैं विश्वास किअ तिहै होर लोग बी विश्वास करी सके। 2 एता लै बी करा प्राथणां कि परमेशर हाम्हां बूरै अर कदुष्ट मणछा का बी बच़ाऊई डाहे कि तिंयां हाम्हां लै कष्ट नां दैए, किल्हैकि कई लोग ज़ुंणी ईशू मसीहे बारै समाद शूणअ तिंयां निं विश्वास करदै।