5 "तेखअ हणअ दखण रेगीस्ताना बाखा मिसर देशो राज़अ खास्सअ बलबान। पर तेऊए सैनापति मांझ़ै हणअ एक ज़ण्हअ तेऊ का बी खास्सअ बलबान अर तेऊ करनअ नऊंअ राज़ खल़अ अर सह राज़ हणअ खास्सअ बडअ। 6 खास्सी साला बाद करनी दखणा बाखा मिसर देशे राज़ै, उतरा बाखा सिरीया देशे राज़ै संघै आपणीं सैना साझ़ू। मिसर देशे राज़ै करनअ आपणीं शोहरीओ बैह सिरीया देशे राज़ै संघै ताकि तिन्‍नों साथ शुचअ-पाक्‍कअ रहे। पर सह साझ़ निं खास्सी च़लणीं, तैहा शोहरीओ हक बी छ़ुटणअ तैहा का पोर्ही, नां तेसो मर्ध राज़अ रहणअ। सह शोहरी, तेसो मर्ध, तेसे शोहरू माठै अर तेसे च़ाकरी लै तैहा संघा डेऊऐ दै दास-दासी पाणै कहा सोभ मारी।