10 इना गल्ले बारै हेरअ कुंणी दानिएला का खोज़ी कि राज़ै किअ नऊंअ हुकम ज़ारी अर तेथ हेरै राज़ै दारा दसकत करी। सह डेऊअ तेखअ आपणैं घअरा लै। तेऊए घअरे प्रैंधल़ी पांडे ताक्की ती एरुशलेम नगरी बाखा। सह करा त कबल्लअ धैल़ी चिई बारी परमेशरा सेटा अरज़ अर तेऊओ शूकर। तधू बी किअ तेऊ तिहअ ई।
16 तेखअ दैनअ राज़ै दारा हुकम कि दानिएला करा कैद। सपाही आणअ दानिएल ढाकी संघा शोटअ सिहे जुहल़ी दी। राज़ै बोलअ तेऊ लै, "तूह करा शुचअ-पाक्कअ रही आपणैं परमेशरे च़ाकरी, मेरी आसा एही अरज़ कि तेऊ परमेशरै लोल़ी तूह बच़ाऊअ।"
22 मेरै परमेशरा का आसा थोघ कि हुंह आसा नर्दोश, तेऊ छ़ाडअ मुंह सेटा लै आपणअ एक स्वर्ग दूत, तेऊ डाहै सिहे दांद किल्ली अर इहअ करै निं ईंयां सिह मेरी किछ़ हान्नी करी सकै। माहा राज़अ, मंऐं निं ताल्है बी इहअ किछ़ किअ कि ज़ेता करै तेरी हान्नी हुई होए।"6:22 ईशा. 63:9; भज. 34:7
23 तेखअ हुअ जुहल़ी भितरा का दानिएला गल्ला करदअ शूणीं राज़अ दारा खुश अर तेऊ किअ हुकम कि दानिएला काढा जुहल़ी सिहा जैंदरा का बागै। सपाही काढअ दानिएल जुहल़ी का बागै अर तेऊए घेरी निं किधी पेहुश बी आथी त लागअ द। किल्हैकि दानिएल रहा त आपणैं परमेशरे आसरै अर परमेशरै निं तेऊए किछ़ हान्नी दैनी हणैं।
27 खरी का बच़ाऊआ सह ई अर
ज़िन्दगी बी सका सह ई बच़ाऊई।
सह करा सरगै अर धरती दी महान अर नुआहरै च़मत्कार।
तेऊ ई परमेशरै बच़ाऊअ दानिएल बलबान सिहा का।"