मसीहा दी आत्मिक बर्गत
3 परमेशरो करा शूकर ज़ुंण म्हारै प्रभू मसीहा ईशूओ बाब आसा। तेऊ दैनी हाम्हां लै मसीहा दी स्वर्गे ज़ैगा सोभी रंगे आत्मिक बर्गत। किल्हैकि हाम्हैं हुऐ मसीहा संघै एक। 4 अह आसा इहअ कि स्वर्ग अर पृथूई बणाणैं का पैहलै ई छ़ांटै परमेशरै हाम्हैं मसीहा करै आप्पू लै। ताकि हाम्हैं पबित्र होए अर हाम्हां दी परमेशरा किछ़ै खोट निं शुझिए।
5 किल्हैकि परमेशर करा हाम्हां लै झ़ूरी, तेऊ डाही पैहलै ई अह गल्ल हाम्हां लै सोठी कि तेऊ बणाणैं हाम्हैं मसीहा ईशू करै आपणैं शोहरू। 6 परमेशरै किअ अह एते तैणीं कि ज़ुंण परमेशरै हाम्हां लै जश दैनअ, तेता लै हाम्हैं तेऊए स्तोती करे ज़ुंण तेऊ हाम्हां लै मुफ्त दैनअ। किल्हैकि हाम्हैं आसा तेऊए पैरै पूता दी एक हुऐ दै।