35 आपणीं खरी दी निं प्रभू दी भरोस्सै करने आपणीं हैअ छ़ाडा, किल्हैकि तेतो भेटणअ तम्हां बडअ फल। 36 किल्हैकि तम्हां लागा सबर करनअ ज़रूरी, ताकि परमेशरे मरज़ी पूरी करी तम्हां करारो फल भेटी सके। 37 ज़िहअ पबित्र शास्त्रा दी परमेशर मसीहे बारै बोला,✝

"एछणैं आल़अ आसा छ़ेक्‍कै एछणैं आल़अ,

तेऊ निं खास्सी बल़ैग पाणीं।

38 ज़ुंण लोग मंऐं विश्वासा करै धर्मीं बणाऐं तिंयां रहणैं ज़िऊंदै,

हुंह निं तिन्‍नां का खुश हंदअ ज़ुंण विश्वासा का पिछ़ू हटा।"

39 पर हाम्हैं निं तिन्‍नां मणछा ज़िहै आथी ज़ुंण विश्वासा का पिछ़ू हटा अर बरैबाद हआ। हाम्हैं आसा खिरी तैणीं विश्वास डाहणैं आल़ै ज़सरी आत्मां बच़णीं।