ईशू आसा असली दाखे लऊंण
1 "असली दाखे लऊंण आसा हुंह, अर मेरअ बाब आसा कृषाण।
4 तम्हैं रहा मुंह दी टेक्की, अर हुंह रहूं तम्हां दी, ज़ेही शाण्हटी दाखे लऊंणीं दी टेक्की नां रहे, तै निं सह आप्पै फल़ दैई सकदी। ठीक तिहअ ई, ज़ै तम्हैं मुंह दी टेक्की नांईं रहे, तै निं तम्हैं फल़ दैई सकदै।
5 "हुंह आसा दाखे लऊंण, तम्हैं आसा शाण्हटी, ज़ुंण मुंह दी टेक्की रहा, अर लऊंणीं दी आसा, तेथ लागा खास्सी फसल, किल्हैकि मुखा ज़ुदै हई निं तम्हैं किछ़ै करी सकदै।
7 "ज़ै तम्हैं मुंह दी टेक्की रहे अर मेरै साबै आपणीं ज़िऊए, तै तम्हैं ज़ुंण बी मांगे सह भेटणअ तम्हां।
16 तम्हैं निं हुंह छ़ांटअ पर मंऐं छ़ांटै तम्हैं अर एते तैणीं डाहै कि तम्हैं फल़ दैई सके अर थारअ फल़ कबल्लअ रहे कि तम्हैं मेरै नाओंए बाब परमेशरा का ज़िहअ बी मांगे, सह तम्हां लै दैए।