7 "तैबी खोज़ा हुंह तम्हां का सत्त आसा इहअ कि मेरअ डेऊणअ आसा तम्हां लै भलअ। ज़ै हुंह नांईं डेऊं, तै निं सह मज़त करनै आल़अ तम्हां सेटा लै एछणअ। पर ज़ांऊं हुंह डेऊणअ, तेखअ छ़ाडणअ मुंह सह तम्हां सेटा लै। 8 तेऊ लाणअ संसारे मणछा लै दोश कि तिन्‍नैं किअ पाप। तिन्‍नां का रहैऊंणअ तेऊ कि तिन्‍नैं निं परमेशरे साबै धर्म किअ अर इहअ बी कि परमेशरा करनअ एकी धैल़ी ऐहा गल्‍लो नसाफ किल्हैकि तिन्‍नैं निं तिहअ किअ ज़ुंण परमेशरै तिन्‍नां लै बोलअ त।