12 ऐहा गल्ला शूणीं च़ाहा त राज़पाल पिलातुस ईशू छ़ाडणअ पर यहूदी मणछै बोलअ बडअ हाल्लअ-गोल्लअ पाई, "ज़ै तूह एऊ छ़ाडे, तै समझ़णअ हाम्हां कि तेरअ साथ निं माहा राज़ै संघै आथी, ज़ुंण बी आप्पू लै राज़अ बोला सह हआ माहा राज़ैओ बरोधी।"
13 इना गल्ला शूणीं काढअ पिलातुसै ईशू बागा लै ज़िधी च़ौकअ थिअ, ज़ेता लै इब्रानी बोली दी गब्बतअ बोला, अर आप्पू बेठअ नसाफ करने गाद्दी दी। 14 ऐहा धैल़ी ती ऊवार्णे थैरे तैरी लागी दी ईंयां आसा दपहरा पैहलै गल्ला, तेखअ बोलअ पिलातुसै यहूदी लै,
"भाल़ा, इधी आसा थारअ राज़अ।"
15 पर तिन्नैं पाअ हाल्लअ-गोल्लअ, "निंऊं, निंऊं क्रूसा दी छ़ड़ाऊआ एऊ।"
पिलातुसै बोलअ तिन्नां लै, "हुंह थारै राज़ै लै क्रूसे सज़ा दैंऊं?"
बडै प्रोहतै बोलअ, "माहा राज़ै छ़ाडी निं म्हारअ कोहै राज़अ आथी।"
16 तेखअ दैनअ पिलातुसै ईशू तिन्नें हाथै क्रूसा दी छ़ड़ाऊई मारना लै।
क्रूसा दी छ़ड़ाऊंणअ
(मोत्ती 27:32-44; मार्कुस 15:21-32; लूका 23:26-43)
तेखअ निंयं तिन्नैं ईशू।