Marcos 3

22 एरुशलेम नगरी का थिऐ शास्त्री बी आऐ दै अर तिंयां बी बोला तै इहअ कि एऊ दी आसा, "राख्स" अर, "अह काढा भूते राज़ै राख्से शगती करै भूत।"

23 ऐहा गल्‍ला लै शादै ईशू तिंयां आप्पू सेटा लै अर तिंयां समझ़ाऊऐ एही कथ्या खोज़ी करै, "राख्स किहअ करै सका भूत पोर्ही काढी! तिंयां ता तेऊए आपणैं आसा?

24 "ज़हा राज़ा दी फूट पल़ा, सह हआ खतम। 25 ठीक इहअ ई ज़िधी टबरा जैंदरी फूट पल़ा, तेऊ घअरो हआ बनाश। 26 इहअ करै ज़ै राख्स आपणअ ई बरोधी हई आप्पू ई मांझ़ै फूट पाए, तेऊओ राज़ किहअ करै सका बणी रही? तेऊओ राज़ हआ खतम।

27 "पर कोहै निं जोधै मणछे घअरै पेशी तेऊओ धन तेभै तैणीं लुटी सकदअ ज़ेभै तैणीं किई सह तेऊ जोधै बान्हीं नां लऐ। तेखअ सका सह तेऊओ धन लुटी।

28 "हुंह खोज़ा तम्हां का सत्त कि मणछे सोभ पाप अर निंदा हणैं माफ, 29 पर ज़ुंण बी पबित्र आत्में खलाफ निंदा करे सह पाप निं कधि माफ हणअ। अह दोश रहणअ तेऊ लै सदा।" 30 तिंयां बोला तै इहअ, "एऊ दी आसा भूत शाचअ द।" तैही बोली ईशू ईंयां गल्‍ला।