Marcos 5

38 सभागृहे कारदारे घअरै पुजी भाल़ै ईशू तिंयां लोग लेरदै-पकारदै। 39 तेखअ तेऊ भितरी डेऊई तिन्‍नां लै बोलअ, "तम्हैं किल्है आसा लागै दै लेरदै-पकारदै? शोहरी निं मूंईं दी आथी अह आसा सुत्ती दी।"

40 तिंयां सोभ लागै ऐहा गल्‍ला शूणीं सुहांगा करदै, पर ईशू काढै तिधा का तिंयां सोभ लोग बागा लै अर शोहरीए ईज-बाब अर आपणैं चअन च़ेल्‍लै डाहै भितरी ज़िधी शोहरी ती डाही दी।

41 तेखअ ईशू शोहरीओ हाथ ढाकी करै बोलअ तेऊए आपणीं बोली दी, "तलीता कूम्मीं" एतो मतलब हआ, "लान्हींऐ खल़ी उझ़ू।" 42 ज़ांऊं ईशू इहअ बोलअ, सह शोहरी उझ़ुई तेभी खल़ी अर सह लागी हांढदी-फिरदी, किल्हैकि सह थिई बारा साले। ऐहा गल्‍ला भाल़ी हुऐ तिंयां रहैन।