7 तेखअ शादै एकी धैल़ी ईशू आपणैं बारा च़ेल्लै आप्पू सेटा अर तेऊ छ़ाडै तिंयां दूई-दूई करै नगरी गराऊंऐं अर तिन्नां लै दैनअ भूता काढणेंओ हक।
12 ईशूए च़ेल्लै बी डेऊऐ अर तिन्नैं बी किअ इहअ प्रच़ार कि आपणैं पापो प्राश्त करा, अर परमेशरा सेटा एछा फिरी। 13 संघा काढै तिन्नैं कई मणछा का भूत पोर्ही अर खास्सै रोगी मणछा लै मल़अ प्राथणां करी तेल संघा किऐ नरोगै।
जोहन्ना डुबकी दैणैं आल़ेए हत्या
(मोत्ती 14:1-12; लूका 9:7-9)
29 इहअ शूणीं आऐ जोहन्ने च़ेल्लै अर तेऊए ल्हास निंईं करै डाही तिन्नैं सह घोरी दाबी।
ईशूए च़ेल्लेओ बापस फिरनअ अर ईशूओ कांगनरांगै डेऊणअ
(मोत्ती 14:13,14; लूका 9:10)
30 बारा शधाणूं हुऐ सोभ ईशू सेटा कठा अर ज़िहअ-ज़िहअ तिन्नैं किअ अर ज़िहअ लोगा का सखाऊअ थिअ, तिन्नैं खोज़ी तेऊ सेटा पुजी तिंयां सारी गल्ला बाढै।
31 ईशू बोलअ तिन्नां लै, "हाम्हां डेऊणअ किधी कांगनरांगी ज़ैगा लै थोल़ी घल़ी करनअ राम।" किल्हैकि तिधी रहा तै खास्सै मणछ एछदै लागी अर तिन्नां निं रोटी खाणेंओ बगत बी भेटदअ त।
32 तेखअ डेऊऐ तिंयां किश्ती दी बेशी एकी कांगनरांगी ज़ैगा लै।
पांज़ा हज़ारा मर्धा का रोटी खैऊंणी
(मोत्ती 14:15-21; लूका 9:11-17; जोहन्ना 6:1-14)
33 लोगै हेरै तिंयां डेऊंदै भाल़ी अर बछ़ैणीं, लोग ठुर्है पिछ़ू आपणीं ज़ांघा हांढी अर तिंयां गऐ तैहा ज़ैगा पैहलै पुजी ज़िधा लै ईशू अर तेऊए च़ेल्लै पुजै। 34 ईशू तिधी पुजी किश्ती का होथअ अर तिधी आऐ खास्सै मणछ अर ईशू फिरी तिन्नां भाल़ी झींण। किल्हैकि तिंयां थिऐ एही भेडा ज़िहै ज़हा फुआल कोहै निं हंदअ। तेखअ लागअ ईशू कई गल्ले शिक्षा दैंदअ।6:34 2 इति. 18:16; 1 राज़. 22:17