17 तिधी कठा हुऐ दै खास्सै मणछा मांझ़ा का बोलअ एकी ईशू लै, "हे गूरू, मंऐं आसा आपणअ शोहरू ताह सेटा लै आणअ द तेऊ दी आसा काल्लअ भूत शाचअ द।
22 तेऊए बाब बोलअ, "एऊओ आसा अह हाल होछ़ी उझै, एऊ भूतै, अह हारी-मारी आणअ, केभै शोटअ अह तेऊ भूतै पाणीं जैंदरी, केभै शोटअ आगी जैंदरी, ज़ै तूह किज़ै करी सका, हाम्हां लै कर झींण अर एऊ कर ठीक।"
23 ईशू बोलअ तेऊ लै, "ज़ै तूह करी सका, अह कै गल्ल हुई? विश्वास करनै आल़ै लै सका सोभ गल्ला हई।"
24 शोहरूए बाबा का छ़ुटै तेभी लेरा लाई आशू अर तेऊ बोलअ, "हे ईशू, मुंह आसा विश्वास कि तूह सका मेरी मज़त करी पर मेरअ विश्वास निं पाक्कअ आथी। तूह कर मेरी मज़त ताकि मेरअ विश्वास पाक्कअ होए।"