1 "सह महान धैल़ी ज़ेभै मुंह बिधाता संसारे लोगो नसाफ करदै एछणअ, सह एछणी ज़रूर। सज़ा एछणी आगीए दरैऊआ ज़ेही अर आग भकी दी भठी ज़ेही। कदुष्ट काम करनै आल़ै घमंडी मणछ हणैं तेता करै खतम। तिंयां करनै इहै खतम ज़ेही आग शुक्‍कै घाहा दहा। तेखअ निं किछ़ बच़णअ।

2 "पर ज़ुंण मेरअ अदर करा, तिन्‍नां लै निं इहअ हणअ। तम्हां बच़ाऊंणे मेरी शगती निखल़णीं तम्हां लै सुरज़ा ज़ेही अर तेते धुप्पै करै हणैं तम्हैं नरोगै। तम्हैं हणैं आज़ाद अर खुश ज़िहअ खुढे गल़ैऊंडी का खोल्हअ द बाछ़ू पटिक्‍कल़ै दैआ।