Mateus 15

कनानी बेटल़ीओ विश्वास

21 ईशू लागअ तेखअ गलील मुल्खा का हांढदअ अर संघा पुजअ सह सूर अर सैदा मुल्खै। 22 तिधी आई एक कनानी बेटल़ी अर सह लागी ज़ोरै-ज़ोरै बोल्दी, "हे प्रभू, दाबेदे लुआद मुल्है कर झींण, मेरी शोहरीए लाऐ भूतै बूरै हाल करी।"

23 पर ईशू निं तैहा लै कोई बी ज़बाब दैनअ। तेखअ किई च़ेल्‍लै ईशू सेटा अरज़, "हे प्रभू, ऐहा लै बोल पोर्ही डेऊणा लै, अह आसा लागी दी हाम्हां पिछ़ू लैल़ा लाई ठुहर्दी ऐहा लाऐ हाम्हैं तंग करी।"

24 ईशू बोलअ तैहा लै इहअ, "हुंह आसा परमेशरै सिधअ इज़राईली मणछा सेटा लै छ़ाडअ द, किल्हैकि तिंयां आसा कबाता पेठी दी भेडा ज़िहै।"

25 पर सह आई तैबी अर ईशू सेटा माथअ टेक्‍कअ संघा बोलअ, "हे प्रभू, मेरी मज़त कर।"

26 ईशू बोलअ तैहा लै इहअ, "अह गल्‍ल निं ठीक लागणीं कि लान्हैं लै चाणी दी रोटी कुक्‍करा लै दैए!"

27 तैहा बोलअ ईशू लै इहअ, "हाँ प्रभू अह गल्‍ल आसा ठीक पर हे प्रभू, कुक्‍करा बी हआ ठोर-म्हारा न्हैल़ै लागै दै ज़ुंण लान्हैं का छ़ुटा।"

28 ऐहा गल्‍ला शूणीं बोलअ ईशू तैहा लै, "हे ज़नानी, तेरअ विश्वास महान, ताल्है लोल़ी ज़िहअ तूह च़ाहा तिहअ ई हुअ।" तेसे शोहरी हुई तैहा ई घल़ी नरोगी।