Mateus 17

मिर्गिए बमारी आल़अ लान्हअ किअ नरोगअ

14 ज़ांऊं तिंयां खास्सै मणछा सेटा पुजै, एक मणछ आअ तिन्‍नां सेटा अर माथअ टेक्‍की करै लागअ सह बोल्दअ, 15 "हे प्रभू, मेरै शोहरू लै कर झींण, तेऊ पल़ा मिर्गिए दौरै, केभै बधल़िआ सह तेता करै पाणीं जैंदरी अर केभै बधल़िआ सह आगी जैंदरी। तेऊ हआ तेता करै खास्सी तकलिफ। 16 मंऐं बोलअ तेरै च़ेल्‍लै का बी कि एऊ भूता काढा एऊ का पोर्ही। पर तिंयां निं एऊ नरोगै करी सकै।"

17 ईशू बोलअ तिन्‍नां लै, "हे बैहम करनै आल़ै हठी लोगो, मुंह कधू तैणीं रहणअ तम्हां संघा कि तम्हैं विश्वास करे? मुंह केभै तैणीं रहणअ तम्हां न्हैल़ै लागी कि तम्हैं भरोस्सअ करे? ओर्ही आणा एऊ लान्हैं इधी मुंह सेटा लै!" 18 तेखअ नैरअ ईशू सह भूत अर भूत निखल़अ तेऊ का दूर अर सह शोहरू हुअ तेभी नरोगअ।