Mateus 2

3 तिन्‍नां जोतषीए इना गल्‍ला शूणीं डरै हेरोदेस राज़अ अर सारै एरुशलेम नगरीए लोग। 4 हेरोदेस राज़ै बी किऐ तेभी सारै बडै प्रोहत अर शास्त्री कठा संघा पुछ़अ तिन्‍नां का, "थारै शास्त्रे साबै मसीहो ज़ल्म किधी सका हई?"

5 तिन्‍नैं बोलअ सोभी राज़ै लै, "पबित्र शास्त्रा दी आसा परमेशरे गूर मिका इहअ बोलअ द, ‘मसीहो ज़ल्म हणअ एऊ यहूदा मुल्खै बेतलेम नगरी।’ एथ आसा इहअ लिखअ द,✝2:5 मिक. 5:2

6 ‘हे बेतलेम, ज़ुंण तूह यहूदा मुल्खै आसा,

तूह आसा सोभी का बडी! किल्हैकि

ताखा हणअ आजू एक मणछ राज़अ

तेऊ करनी मेरी परज़ा इज़राईलीए हेर-सभाल़।’"

7 तेखअ शादै हेरोदेस राज़ै तिंयां जोतषी च़ुप्प-च़ुप्पै आप्पू सेटा लै संघा बोलअ तिन्‍नां लै इहअ, "तम्हां तारअ ठीक-ठीक कहा घल़ी शुझुअ त?"

8 हेरोदेस राज़ै छ़ाडै तिंयां जोतषी इहअ बोली बेतलेम नगरी लै कि तिधी डेऊई तम्हैं ठीक-ठीक थोघ कि तेऊ शोहरूओ ज़ल्म किधी हुअ। तेखअ ज़ांऊं सह भेटे, मुल्है बी दैऐ समाद। तै डेऊणअ मुंह बी तेऊ सेटा लै माथै टेक्‍कदै।