9 तिन्नैं जोतषी बी राज़ैए ईंयां गल्ला शूणीं संघा लागै तिंयां तेऊ सेटा का बेतलेम नगरी लै हांढदै। ज़ुंण तारअ तिन्नैं पुर्बा दिशा दी भाल़अ त, सह शुझुअ तिन्नां का भिई। तेऊ तारै भाल़ी हुऐ तिंयां खास्सै खुशी।
10 सह लागअ सरगै तिन्नां का आजू-आजू हांढदअ अर तिंयां लागै तेऊ पिछ़ू-पिछ़ू हांढदै अर सह तारअ खल़्हुअ ठीक तैहा ज़ैगा प्रैंदै ज़िधी तेऊ शोहरूओ ज़ल्म त हुअ द।2:10 लूक. 2:20 11 तिंयां डेऊऐ तैहा ज़ैगा ज़िधी ईशूओ ज़ल्म त हुअ द। तिन्नैं भाल़अ सह शोहरू तेऊए ईजा मरिअमे भोसल़ै अर तिन्नैं टेक्कअ उटै पल़ी माथअ संघा लागै सोभ तेऊए च़ाकरी करदै।
तेखअ खोल्ही तिन्नैं आपणीं-आपणीं बोझ़ल़ी अर तेता का दैनी सुन्नअ, लोवान, खुशबूदार किम्मती तेल अर कई च़िज़ा भैंट।
12 तेखअ दैनी तिन्नां लै परमेशरै सुपनै चतैनगी, "हेरोदेस राज़ै सेटा लै निं बापस डेऊई।" तिंयां बी तिधा का उझ़ुऐ अर तिंयां डेऊऐ होरी बाता आपणैं देशा लै।
/images/a/b7d72741-6189-4a89-94c2-43952d9f2700)
/images/a/6c03efee-c76a-4ab8-fe2e-555683f90900)