37 "ज़िहअ म्हारै दाद-बाब नूहे ज़मानैं हुअ, तिहअ ई हणअ मुंह मणछे पूतो फिरी एछणअ बी। 38 किल्हैकि ज़िहै पाणीं करै हुई दी प्रल़या का आजी ज़ेभै तैणीं नूह ज़हाज़ा भितरी नांईं बेठअ, तेभै तैणीं रहै लोग खांदै-पिंदै अर तिन्‍नां मांझ़ै रहा ती बैह शादी हंदी। 39 ज़ांऊं तैणीं तिंयां पाणींए प्रल़या दी डुबी मूंऐं निं आथी, तेभै तैणीं निं तिन्‍नां का किछ़ बी थोघ लागअ। ठीक तिहअ ई हणअ तेभै बी ज़ेभै हुंह मणछो पूत फिरी एछणअ। 40 तैहा घल़ी हणअ इहअ कि ज़ुंण दूई ज़ण्हैं खेचै होए, तिन्‍नां मांझ़ै च़कणअ एक ज़ण्हअ उझै अर एक छ़ाडणअ तिधी। 41 दूई बेटल़ी हणीं थरेटा दी नाज़ा पिशदी, एक च़कणी उझै अर दुजी छ़ाडणीं तिधी।