मोत्ती 4

पैहलै च़ेल्‍लै शादणैं

18 एकी धैल़ी त ईशू गलील समुंदरे बाढै हांढदअ लागअ द, तेऊ भाल़ै दूई मणछ शमौन ज़हा लै पतरास बोला अर तेऊओ भाऊ आन्दरू। तिंयां थिऐ लागै दै पाणीं दी म्हाछ़ली ढाकणा लै ज़ज़ाल़ा पांदै किल्हैकि तिंयां करा तै म्हाछ़ली ढाकणैं अर बेच़णेंओ काम। 19 ईशू बोलअ तिन्‍नां लै, "ज़ेही तम्हैं म्हाछ़ली कठा करदै आसा लागै दै, मुंह संघै च़ाल्‍ला हुंह सखाऊं तम्हां मेरै च़ेल्‍लै हणां लै मणछ कठा करनै।" 20 तिंयां बी लागै तेभी ज़ज़ाल़ा छ़ाडी तेऊ संघै हांढदै।

21 तिधा का आजू डेऊई भाल़ै ईशू दूई होर भाई, याकब अर तेऊओ भाऊ जोहन्‍ना, तिंयां थिऐ लागै दै आपणैं बाब जबदी संघै किश्ती प्रैंदै बेशी ज़ज़ाल़ा सोहरदै, अर तेऊ शादै तिंयां बी, 22 तिंयां बी लागै तेभी किश्ती अर आपणैं बाब छ़ाडी तेऊ संघै हांढदै।