9 तिधा का आजू डेऊई भाल़अ ईशू एक मोत्ती नाओं मणछ कारै गराहणे च़ौकी दी बेठअ द, सह करा त सरकारी कारै गराहणैओ काम, ईशू बोलअ तेऊ लै, "मुंह संघै एछ।" सह उझ़ुअ तेभी खल़अ संघा डेऊअ ईशू संघै।
10 ज़ांऊं ईशू मोत्तीए घअरै रोटी खांदअ बेठअ, ईशू सेटा लै आऐ खास्सै पापी मणछ संघा बेठै ईशू अर तेऊए च़ेल्लै संघै रोटी खांदै। 11 इहअ भाल़ी बोलअ अर फरीसी ईशूए च़ेल्लै लै, "थारअ गूरू पापी अर कारै गराहणै आल़ै मणछा संघै किल्है खाआ-पिआ?"
12 इहअ शूणीं बोलअ ईशू तिन्नां लै, "बैईद निं नरोगै मणछा सेटा एछदअ, पर रोगी मणछा सेटा लागा तेऊ ज़रूरी पुजणअ। 13 डेओआ संघा एछा भाल़ी कि पबित्र शास्त्रा दी किज़ै आसा लिखअ द, परमेशर बोलअ तेथ इहअ, ‘हुंह निं थारै डागै-चैणैंओ बल़ीदान च़ाहंदअ, हुंह च़ाहा इहअ कि तम्हैं झींण करे।’ किल्हैकि ज़ुंण आप्पू लै इहअ समझ़ा कि तिंयां आसा धर्मीं, तिन्नां शधाणूं निं हुंह आथी आअ द, पर हुंह आसा तिन्नां लै आअ द ज़ुंण इहअ समझ़ा कि तिंयां आसा पापी।"9:13 होश. 6:6
ब्रत करनैओ सुआल
(मार्कुस 2:18-22; लूका 5:33-39)