रोमी 8

28 हाम्हां का आसा ऐहा गल्‍लो थोघ कि ज़ुंण लोग परमेशरा संघै झ़ूरी करा, तिन्‍नां लै करा परमेशर सोभी गल्‍ला भलाई पैईदा, मतलब तिंयां ई ज़ुंण परमेशरै आप्पू लै आसा छ़ांटै दै। 29 किल्हैकि ज़सरै बारै परमेशरा का पैहलै ई का थोघ आसा, तेऊ छ़ांटै तिंयां आपणैं पूता ज़िहै हणां लै, ताकि सह तेऊओ शोहरू सोभी भाई-बैहणी मांझ़ै ज़ेठअ होए। 30 तेखअ ज़ुंण तेऊ तिंयां पैहलै ई का आसा छ़ांटै दै, तिंयां आसा तेऊ आप्पू सेटा लै शादै दै बी, अर ज़ुंण तेऊ शादै दै आसा तिंयां बणाऐं तेऊ आप्पू संघै धर्मीं बी, अर ज़ुंण तेऊ धर्मीं आसा बणाऐं दै तिन्‍नां लै आसा प्रतप्प बी दैनअ द।