4 ओ कंज़री बेटल़ी ज़िहै विश्वास घाती मणछो! तम्हां का इहअ थोघ बी निं आथी कि संसारे गल्ला संघै साथ डाहणीं आसा परमेशरा संघै ज़ीद करनी? ज़ुंण बी संसारे संगती डेऊणअ च़ाहा, सह हआ आप्पू ई परमेशरो दुशमण।4:4 जोह. 2:15-16
6 पर परमेशर आसा सर्वशक्तिमान अर सह दैआ हाम्हां लै जश ताकि हाम्हैं बूराई करने आल़ी च़ाहा ज़िहै पाप करनै का दूर रहे, तैही आसा पबित्र शास्त्रा दी लिखअ द,
"परमेशर करा घमंडी मणछो बरोध
पर ज़ुंण घमंड निं करदअ तेऊ लै करा झींण।"
7 तैही रहा परमेशरे डरा हेठै। राख्सो करा बरोध, तै ठुहर्नअ सह तम्हां सेटा का दूर। 8 परमेशरा नेल़ एछा, तै एछणअ सह तम्हां नेल़ बी, ओ पापी मणछो, पाप करनअ छ़ाडा, ओ दोगल़ै लोगो, आपणैं दिल करा शुचै।4:8 जक. 1:3; मला. 3:7