1 Paahi, Yesu nkaahimiachera nlhikaaniho no weettuchiha wiira ikatema yonkhaye anthananiya akhalhe anlhapelhaka Nlhuku wo uhoocha ntu. 2 Nkeera, "Iwani i naneshe ahaawo ntu o uhukumulha mmoka hanthimicha Nlhuku mena waalhoha attu. 3 Ni wowo ahokhalha anankhwelhi amoka aawa kila ikatema uulhepelhani wiira aakaviheriy apatte ittu yaahuvelha aya, eeraka, ‘Nkikavihere kipatte ikekhia inohuvelha aka ukhuma wa mmalhaponi aka!’ 4 Wo mahuku menchi ntu o uhukumulha uyo aari akhotaka, nansho wo umalhihera nkeera mwaaneneru munrimani mwawe, ‘Inakhalhaka akimoovaka Nlhuku ama waalhoha attu, 5 nansho wo nlhatu wo uhuvihiya chinene ni anankhwelhi alha, kinowenkelha ikekhia aya. Kaahiireke chiicho anoothepa ukinyoonyiha, ni ukoocheeha!’ "

6 Athithi nkayaathepa wulhumacha, "Paahi mwiiweke etu, chenre aya wo wulhumacha yayo o uhukumulha o uhilhoka ayo. 7 Chani etu, Nlhuku khanowa aalhakelhaka ikekhia attu athanlhiye, anomunlhelha kila nihuku uthana ni uhiyu? Chani noocherewa waavaha inonlhelha aya? 8 Kinouhimeriani wiira, nowaavaha ikekhia wo uhicherewa. Nansho chani, Mwaana a Ntu nowa aaphwanya attu o nrima vanohalha awe uwa?"