44 "Kola ku njenga akahoko bhito bhakibha na kichimba cha nyahinyahi, chikilenganikilwe ngita Chapanga chanaghalikiya Mucha na akalenganikiya ngita chalangiwe. 45 Peniya akahoko bhito bhajhakujhangangana bhene kwa bhene ade ulongoche gwa Yochuwa, pubhatoila kilambo kubhoka kwa bhando jwenio Chapanga akabhengite palonge jhabhe. Peniya kichimba chenie kijhakutama ade machiko gha Daude. 46 Chapanga akampahi hake Daude, na jwenio ajhakunnyopa Chapanga anchengele chehemo jha kutama kwa nhwalo gwa Chapanga jwa Yakobu. 47 Nambo Chelemane ndi jwakanchengile Chapanga nyumba jhene.
48 "Nambo Chapanga Nkolongwa atama ndeka munyumba jhichengitwe na bhando ngita chalongela nnondole jwa Chapanga.
49 Bhambo ilongela,
‘Kunane kwa Chapanga ndi kigoda chango cha unahota nkolongwa,
na pannema ndi kigoda chango cha kubheke makongono.
Bhahe, nyumba ghane nauhotola kunchenge nenga?
Amu pwache ghane nauhotola kutama nenga?
50 Bho, ne ndeka jhundeila gheniya ghoha?’
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)