Lucas 19

Yecho na Zakayo

1 Yecho ajhakujhingila ku Yeliko, apetita pakate jha muche gwenio. 2 Kwenio pakibha na mundo jhumo liina lyake Zakayo, nkolo jwa akatola kode, na jwenio akibhe na ilebhe twe hake. 3 Jwenio, apata ahumanye Yecho ndi ghane, nambo nhwalo gwa kujholoka kwa bhando helahela akibha nnyipe, akahotwii jhe. 4 Peniya pabhutwika kulonge jha lilongo lya bhando, na kuhobhokela munkongo gwa nkojho annole Yecho, nhwalo apetita ndela jhejhe. 5 Yecho paheghelila peniya, ajhakummona Zakayo abhii kunane jha nkongo, ngannobholila, "Zakayo, huluka kajhombe, nhwalo deleno nenga mbala kupipikiya kajhino."

6 Peniya Zakayo ngahulwike kajhombe, na kumpoke Yecho kwa kuhanganii nu kujhenda nako kajhake. 7 Bhando bhoha pubhalolita gheniya bhajhakutumbuu kukokoleka na bhalongila, "Ajhenda kutama kajha kwa mundo jwabhii na uhakaho!"

8 Nambo Zakayo ajhakujhema, na kulongole Yecho, "Dolekeya Bhambo, nenga nibhaghula nucho ya ilebhe yango na kwapekeya akahocho na anda nikatohile kilebhe cha mundo kwa kukopokeya nanimujhichila mala ncheche."

9 Yecho ajhakwalobholela, "Deleno ughombokeko ujhingile unyumba jhino, na nenga helahela lukolo lwa Ulahimo. 10 Nhwalo Mwana gwa Mundo ahikite kupalaha na kwaghombola bhando bhibhahobhalile."