1 Timóteo 3

Nihi nɛ sa asafo nɔ hyɛli

1 Anɔkuale munyu ji kaa ke nɔ ko ngɛ hlae nɛ e pee asafo nɔ hyɛlɔ ɔ, lɛɛ e ngɛ ni tsumi kpakpa se die. 2 E sa kaa asafo nɔ hyɛlɔ nɛ e pee nɔmlɔ kpakpa nɛ a be e he munyu yaya ko tue, nɔ nɛ ngɛ yo kake, nɛ e tsuɔ ni wawɛɛ, nɛ e ji kpakpa peelɔ kɛ juɛmitsɛ nɛ peeɔ nɔ́ ngɛ e blɔ nɔ. E hine nɔ ko nɛ bua jɔɔ nibwɔhi a he ngɛ e we mi kɛ nɔ nɛ le Ngmami Klɔuklɔu ɔ tsɔɔmi. 3 E kó pee da delɔ loo pɛlɔ, se mohu nɔ nɛ e mi jɔ nɛ e he hu jɔ nɛ e hɛ kɔɛ sika nɔ. 4 E hine nɔ nɛ tsɔsemi kpakpa kɛ bumi ngɛ e we mi, nɛ e bimɛ buɔ lɛ tue ngɛ kpoo kɛ oya mi. 5 Ejakaa ke e nyɛ we lɛ nitsɛ e we nyafii nɔ nɛ e hyɛ ɔ, kɛ e maa pee kɛ ye kɛ bua asafo mluku ɔ kɛɛ?

6 Nɔ nɛ ba sɛ Mawu jami ɔ mi kɛ we ɔ, e ko pee asafo nɔ hyɛlɔ, bɔ nɛ pee nɛ e ko wo e he nɔ kaa e na jamɛ a blɔ nya a mla, ejakaa he nɔ womi kɛ si gbeemi baa. 7 E sa nɛ ni nɛmɛ nɛ ngɛ se, nɛ a pi Mawu jali ɔ hu a tu e he munyu kpakpa, konɛ e nyɛ nɛ e kpaka asafo ɔ kɛ he jɔmi nɛ Abosiami nɛ ko na nya pomi níhi fuu ngɛ e he nɛ e tsɔ̃ lɛ klama.