1 Mo ko hyɛ nɔkɔtɔma ko hɛ mi, se mohu o kɛ nɔkɔtɔma nɛ tu munyu ngɛ he si bami mi kaa mo nitsɛ o tsɛ, nɛ o kɛ nihewi nɛ tu munyu kaa nyɛmimɛ nɛ o suɔ mɛ. 2 Moo hɛɛ yi nikɔtɔma amɛ kaa o nyɛmɛ, kɛ yiwi ɔmɛ hu kaa nyɛwenyɛmɛ nɛ o susuu a he ekpakpa.

3 Asafo ɔ nɛ hyɛ yihi nɛ a hunohi gbo nɛ a be yemi kɛ buali ɔmɛ a nɔ. 4 Se ke a ngɛ bimɛ loo bibimɛ ɔ, lɛɛ mɛ ji nihi nɛ sa nɛ a hyɛ a fɔli ɔmɛ a nɔ, ejakaa e sa nɛ a je kpakpa peemi sisi kɛ je we mi. Enɛ ɔ ji nɔ́ ko nɛ sa Mawu hɛ mi saminya.

5 Asafo ɔ nɛ hyɛ yihi nɛ a hunohi gbo nɛ a ji ohiafohi nɛ be nɔ́ ko ɔ a nɔ, nihi nɛ a ngɔ a hɛ kɛ fɔ Mawu nɔ kaa e maa ye kɛ bua mɛ, nɛ a hɛɛ sɔlemi mi nyɔ kɛ pia a; 6 se pi yalɔyihi nɛ yeɔ sieku kɛ ni nɛmɛ nɛ nyɛɔ je mi ngɔɔmi níhi a se nɛ a kpataa a klaa hɛ mi ɔ. 7 Enɛ ɔ nɛ pee mlaa ngɛ asafo ɔ mi bɔ nɛ pee nɛ Kristo se nyɛɛli ɔmɛ nɛ a le nɛ a pee nɔ́ nɛ da konɛ piami ko nɛ ko ba a he.

8 Se nɔ nɛ hyɛ we lɛ nitsɛ e wekuli nɛ ngɛ ohia yee a nɔ, titli ɔ, lɛ nitsɛ e we mi bimɛ ɔ, lɛɛ e be he blɔ nɛ e tsɛɔ e he Kristo se nyɛɛlɔ, afani wɔ jalɔ ngɛ e he.

9 Yalɔyo nɛ suɔ kaa a pee lɛ asafo mi sɔmɔli ɔmɛ a ti nɔ kake ɔ, e sa nɛ e ye jeha nyingmi ekpa, nɛ e gba si kake pɛ; 10 nɛ e ji nɔ ko nɛ a tuɔ e he munyu kpakpa, nɛ e lɛ bimɛ saminya, nɛ e peeɔ nibwɔhi kɛ Kristo se nyɛɛli kɛ ni klɔuklɔu ɔmɛ tsuo kpakpa; nɛ e yeɔ kɛ buaa hiɔtsɛmɛ kɛ nihi nɛ pla, nɛ e naa mɔbɔ.

11 Se ahoyihi nɛ wɛ ɔ, e sɛ nɛ a ngɔ mɛ kɛ piɛ sɔmɔli nɛ ɔmɛ a he, ejakaa e kɛ we nɛ a jɔɔ kita nɛ a kã Kristo ɔ nɔ yemi nɛ a ya gbaa ekohu; 12 nɛ a maa bu mɛ fɔ, ejakaa a yi a kekle si womi ɔ nɔ. 13 Pi enɛ ɔ kɛkɛ, se e maa ba mi kaa a maa pee hejɔ nɛ a ma bɔni sieku yemi kɛ nyɛɛ wehi a mi, nɛ a ma wo a nya kɛ wo nihi a sanehi a mi. 14 Enɛ ɔ he je ɔ, i suɔ kaa ahoyihi nɛ wɛ ɔ, a gba ekohu nɛ a fɔ bimɛ, nɛ a hyɛ mɛ nitsɛmɛ a wehi a nɔ, konɛ a ko tu a he munyu yaya ko. 15 Nɛ e peeɔ mi kaa a ti ni komɛ je asafo ɔ mi momo nɛ Abosiami tɔtɔ a nane.

16 I ngɛ nyɛ kaie ekohu kaa a ko ngmɛɛ ahoyo ko he kɛ fɔ asafo ɔ nɔ, se mohu e wekuli nɛ a hyɛ e nɔ, konɛ asafo ɔ nɛ hyɛ ahoyihi nɛ be nɔ ko kɛ he ko nɛ a maa ya a a nɔ.

17 Asafo nɔ hyɛli nɛ tsuɔ ni saminya a, e sa kaa a wo mɛ hiɔ saminya nɛ a bu mɛ hulɔ, titli ɔ, ni nɛmɛ nɛ gboɔ dengme ngɛ fiɛmi kɛ ni tsɔɔmi he ɔ. 18 Ejakaa Ngmami ɔ de ke, "Koo fi na nɛ gblɛɔ blɛfo ɔ nya, se mohu o ngmɛɛ e he nɛ e ye bɔ nɛ sa be mi nɛ e ngɛ ni tsumi ɔ nɔ ɔ." Nɛ a de ngɛ he kpa ko hu ke, "Ni nɛmɛ nɛ tsuɔ ni ɔ, e sa kaa a woɔ mɛ hiɔ."

19 Ke a po asafo nɔ hyɛlɔ ko nya a, koo bu lɛ fɔ, ja nihi kaa enyɔ loo etɛ ye odase kɛ si lɛ. 20 Se ke e pee yayami ko tutuutu ɔ, lɛɛ e sa nɛ a kã e hɛ mi ngɛ asafo ɔ kulaa hɛ mi bɔ nɛ pee nɛ nɔ ko nɛ ko pee jamɛ a yayami ɔ hu.

21 I ngɛ mo fae ngɛ Mawu kɛ Nutsɔ Yesu Kristo kɛ bɔfo klɔuklɔu ɔmɛ a hɛ mi kaa o pee enɛ ɔ nɛ o ko hyɛ nɔ ko hɛ mi, ke ji o huɛ ji asafo nɔ hyɛlɔ ɔ aloo e pi o huɛ. 22 Koo ye oya kɛ hla asafo nɔ hyɛlɔ ko, ke pi ja a, a ma de ke o le e yayami ɔmɛ se o ma o hɛ ngmɛ ngɔ fɔ a nɔ. Nɛ mo nitsɛ hu o hyɛ o he nɔ saminya ngɛ yayami he. 23 Moo nu wai bɔɔ be komɛ kaa tsopa ngɛ o muklii mi hiɔ nɛ nuu mo kpitikpiti ɔ he.

24 O hɛ nɛ ko je nɔ kaa ni komɛ kaa asafo nɔ hyɛli po baa je mi yaya nɛ nɔ tsuaa nɔ naa; níhi kaa enɛ ɔmɛ ɔ, o ma nyɛ pee he nɔ ko. Se ngɛ yayami komɛ a blɔ fa mi ɔ, Kojomi Ligbi ɔ nɔ loko ji anɔkuale ɔ maa je kpo paa. 25 Ja a nɔuu a naa ni tsumi kpakpa nɛ asafo nɔ hyɛli komɛ tsuɔ, se be komɛ ɔ, e se kɛ ɔ loko ji a naa ni tsumi kpakpahi nɛ a tsuɔ ɔ.