1 Timoteo, na nɛ o le enɛ ɔ hu kaa ngɛ nyagbe ligbi ɔmɛ a mi ɔ, Kristo se nyɛɛmi maa wa saminya. 2 Ejakaa nimli maa suɔ sika kɛ mɛ nitsɛmɛ pe a he. A maa pee a he fiali, he nɔ woli kɛ Mawu he fɛu yeli, fɔli a nɔ tue gboli kɛ nimli nɛ li sina, nimli nɛ puɛ kulaa kɛ pi si. 3 A maa pee a he nimli nɛ tsui wa, nɛ kplɛɛ we nɔ, lakpatsɛmɛ, pɛ woli, juɛmi yayatsɛmɛ, basabasa nimli nɛ a yi kpɛti wa kɛ nimli nɛ yeɔ kpakpa peeli a he fɛu. 4 A maa tsɔɔ a huɛmɛ a se blɔ, nɛ a maa pee a he yi mi wali, he woli nɛ dii akɔnɔ níhi a se pe Mawu jami. 5 A peeɔ a he kaa a ngɛ Mawu jae mohu, se a kua e mi he wami ɔ. O kɛ jamɛ a nimli ɔmɛ nɛ ko bɔ.

6 Kikɛmɛ a nimli nɛ ɔmɛ juɔ si kɛ ya sɛɛ nihi a wehi a mi nɛ a kɛ yakayaka yihi nɛ yayami ye a nɔ ɔ, a ya bɔɔ nɛ a tsɔɔ mɛ a jami he ɔmɛ. 7 Yihi kaa ja amɛ nyɛɔ tsɔɔli hehi a se be fɛɛ be, se a nyɛ we nɛ a leɔ anɔkuale ɔ. 8 Tsɔɔli nɛ ɔmɛ teɔ si kɛ siɔ anɔkuale ɔ kaa bɔ nɛ Yane kɛ Yambre te si kɛ si Mose ɔ. A ji nihi nɛ a yi mi puɛ, nɛ a te si kɛ si Kristo se nyɛɛli a jami ɔ.

9 Se a be a he yee ngɛ enɛ ɔ mi kɛ ya nyagbe. Ejakaa be ko maa su nɛ a nɔ mlɔɔmi ɔ maa je kpo paa ngɛ nɔ tsuaa nɔ hɛ mi kaa bɔ nɛ Yane kɛ Yambre a yayami ɔ je kpo ɔ.

10 Se moo lɛɛ o kase mi nɛ o na kaa tsa pi jamɛ a nɔmlɔ ji mi. O le nɔ nɛ i heɔ yeɔ kɛ ye je mi bami kɛ nɔ́ nɛ i ngɛ hlae. O le ye hemi kɛ yemi ngɛ Kristo mi kɛ bɔ nɛ i na nɔ ha. O le bɔ nɛ i suɔ mo kɛ tsui si tomi nɛ i ngɛ. 11 O le amanehluhi nɛ i na ngɛ Manye Munyu ɔ fiɛmi mi. O le níhi nɛ ba ye nɔ ɔmɛ kulaa benɛ i ya slaa Antiokia kɛ Ikonium kɛ Listra a, se Nutsɔ ɔ je mi kɛ je kulaa mi. 12 Niinɛ, nihi kulaa nɛ hlaa kaa a maa hi klɔuklɔu si himi ngɛ Kristo Yesu mi ɔ, nihi nɛ sume lɛ ɔ maa wa mɛ yi mi. 13 Anɔkuale mi ɔ, nimli yayamihi kɛ lakpa tsɔɔli ma puɛ kɛ be nɔ kɛ yayami peemi nɛ a maa mlɔɔ nihi fuu kaa bɔ nɛ Abosiami mlɔɔ mɛ nitsɛmɛ hu ɔ.

14 Se moo lɛɛ moo hɛɛ níhi nɛ a tsɔɔ mo nɛ ɔ ngɛ hemi kɛ yemi ngɛ mi ɔmɛ a mi. O le kaa a ji anɔkuale, ejakaa o heɔ ni nɛmɛ nɛ tsɔɔ mo ɔ yeɔ. 15 O le kaa o jokuɛwi a si nɛ a tsɔɔ mo Ngmami Klɔuklɔu ɔ ngɛ, nɛ lɔ ɔ ji nɔ nɛ pee mo ni lelɔ nɛ o he Mawu yi wami hemi ɔ ye kɛ gu Kristo Yesu nɔ. 16 Ngmami tsuaa Ngmami nɛ a ngɔ ha wɔ ɔ je Mawu Mumi ɔ mi, nɛ e hi kɛ ha anɔkuale tsɔɔmi, konɛ wa yɔse nɔ nɛ hi ngɛ wa si himi mi. E kaa wa hɛ mi nɛ e daa wɔ, nɛ e tsɔseɔ wɔ nɛ waa pee nɔ nɛ da. 17 E ji Mawu blɔ nya tomi nɛ e kɛ dlaa wɔ nɛ waa hi kɛ pi si nɛ waa pee nɔ fɛɛ nɔ kpakpa.