Efeso 2

14 Ejakaa Kristo nɔ nɛ wa maa gu kɛ na he jɔmi. E ngɔ wɔ Yuda bi ɔmɛ kɛ nyɛ ma je li ɔmɛ tsuo kɛ pee kake nɛ e kɛ he jɔmi ba wa kpɛti. Nɛ e je ninyɛ nɛ ngɛ wa kpɛti ɔ. 15 Kɛ gu e gbenɔ ɔ nɔ ɔ, e je hetsɛ nɛ Yuda bi ɔmɛ a mlaa amɛ wo kɛ ba Yuda bi kɛ ma je li a kpɛti nɛ haa nɛ Yuda bi ɔmɛ yeɔ a he ɔ, ejakaa e gbo konɛ e kɛ gu jamɛ a mlaa amɛ kulaa. Kɛkɛ nɛ e ngɔ nimli enyɔ ɔmɛ nɛ a ke a he yi ɔ nɛ e kɛ mɛ pee lɛ nitsɛ e he níhi; nɛ kɛ gu enɛ ɔ nɔ́ ɔ, e bua wɔ kɛ pee kake nɛ tue mi jɔmi ba wa kpɛti.