Matiu 20

Ẹ̀bẹ̀ ìyá

20 ✝ 20.20-24: Mk 10.35-41. ✝ 20.20: Mt 8.2; 9.18; 15.25; 18.26; Jh 9.38. Nígbà náà ni ìyá àwọn ọmọ Sebede bá àwọn ọmọ rẹ̀ wá sọ́dọ̀ Jesu, ó wólẹ̀ lórí eékún rẹ̀, o béèrè fún ojúrere rẹ̀.

21 ✝ 20.21: Mt 19.28. Jesu béèrè pé, "Kí ni ìwọ ń fẹ́?"

Ó sì dáhùn pé, "Jẹ́ kí àwọn ọmọ mi méjèèjì jókòó ní apá ọ̀tún àti apá òsì lórí ìtẹ́ ìjọba rẹ?"

22 ✝ 20.22: Mt 26.39; Jh 18.11. Ṣùgbọ́n Jesu dáhùn ó sì wí pé, "Ẹ̀yin kò mọ ohun tí ẹ̀yin ń béèrè, ẹ̀yin ha le mu nínú ago tí èmi ó mu?"

Wọ́n dáhùn pé, "Àwa lè mu ún."

23 ✝ 20.23: Ap 12.2; Ro 1.9; Mt 13.11. Jesu sì wí fún wọn pé, "Dájúdájú, ẹ̀yin yóò mu nínú ago mi, ṣùgbọ́n èmi kò ní àṣẹ láti sọ irú ènìyàn tí yóò jókòó ní apá ọ̀tún tàbí apá òsì. Baba mi ti pèsè ààyè wọ̀n-ọn-nì sílẹ̀ fún kìkì àwọn tí ó yàn."