13 थोड़ाक युहदी माणहु, माणहु मे गेथा भुत नीकाळ्या करता हता। एक दाड़े वीच्यार कर्या के आमु ईसु ना नाम सी भुत नीकाळहु। अने अळतेण तीहया एक माणेह मे गेथो भुत नीकाळवा नी टेमे केदा, "जे ईसु ना नाम सी पोलुस हक सी परच्यार करे, तीहया ईसुन नामे मे तने हुकम आपु के तु आनी मे गेथो नीकळ।" 14 अने सीकवा नाम नो एक युहदी डायला पुंजारा ना ह़ात सोरा हता। तीहया बी आसमेत करता हता।
15 पण भुत तीमने जपाप आप्यो, "मे ईसु ने बी जाणु अने पोलुस ने बी जाणु, पण तमु कोय से?"
16 अळतेण जे माणेह मे भुत भरायलो हतो, तीहयो माणेह आदड़ी-आदड़ीन तीमने आखा ने ढबळाय देदो, अने तीमना आखा लुगड़ा फाड़ीन तीमने नांगरा कर देदो, अने घायल कर देदो अने तीहया नांगरला अने घायलेत घोर मे गेथा नीकळीन नाह ज्या।