कुलुस्‌यो 3

1 एतरे कदीम तमु मसी नी ह़ाते नवली जीवाय मे जीवाड़ला हय ता ह़रगे नी चीज ना ह़ोदवाळ्‌या रेवो, जा ह़ारीक मसी से, अने भगवान नी जमणी ह़ोड़ बह र्‌यो।*3:1 भजन सहीता110:1 2 धरती पोर वाळी चीज नी, पण ह़रगे वाळी चीज पोर धीयान लगाड़ो। 3 काहाके तमु ते मर ज्‌या, अने तमारी जीवाय मसी नी ह़ाते भगवान मे ह़तायली से। 4 जत्‌यार मसी जे आपणी जीवाय से, उजन्‌तो हयहे, ता तमने बी तीनी ह़ाते बड़ाय भेळ उजन्‌ता करहे।

जुन्‌ली जीवाय अने नवली जीवाय

5 एतरे आपणा तीहया डील ना वाटा ने मार नाखो, जे धरती पोर से, मतलब छीनाळु, वीटळ, गलत काम, लालच, गलत वीच्‌यार ने जे मुर्‌ती नी पुजा बराबर से।*3:5 नीता मुर्‌ती पुजा से 6 आमनात कारण सी भगवान नी रीह हुकम नी मानवा वाळा पोर आय पड़े। 7 अने तमु बी, आहया गलत कामु मे जीवाय जीवता हता ता आमनात अनसारे चालता हता।

8 पण हाव तमु बी आहयी आखी वात ने, मतलब रीह, ह़ीगी, वाक काडवा, अने वडवा आहयी आखी वात सोड़ देवो। 9 ✝3:9 ईफीसीयो 4:22एक-बीजा ने झुट ना मेको, काहाके तमु जुन्‌ला माणहे ने तीनी आदत भेळ नीकाळ देदला से।*3:9 ईफीसीयो 4:22 10 ✝3:10 ईफीसीयो 4:24अने नवलु माणेह ने पेर लेदला से, जे आह़फा ना बणाव्‌वा वाळा ना सीका नी अनसारे अक्‌कल हात करवा करीन नवलु बणतु जतलु।*3:10 उबजणाय कीताप 1:26; ईफीसीयो 4:24 11 तीनी मे नी ते आड़जात्‌यो र्‌यो अने नी ते युहदी, नी ते खतना अने वण-खतना, नी ते जंगली, नी ते वण-अकल्‌यो नी ते चाकर्‌यो अने नी ते छुट्‌टो नीस्‌तो मसी आखु से अने आखा मे से।

12 ✝ 3:12 ईफीसीयो 4:2 एतरे भगवान ना टाळलान तेम जे चोखला अने मोंगाळ्‌ळा से, घण-जबर बरकत, अने भलाय, अने दया, अने नीचळा रेवा, अने गम खावा ह़ीको।*3:12 ईफीसीयो 4:2 13 ✝3:13 ईफीसीयो 4:32अने कदीम कोयने कोय पोर गुनो लगाड़वा नो कंय कारण हय, ता एक-बीजा नी वेठ लेवो, अने एक-बीजा नो गुनो माफ करो; जेम मालीक तमारा गुना ने माफ कर्‌यो, तेमेत तमु बी करो।*3:13 ईफीसीयो 4:32 14 अने आहयी वात ने सोड़ीन मोंग ने मानो, मोंग आखा ने एक-बीजा सी बांदे अने पुरुन-पुरु करे? 15 मसी नी सांती जीनी जुगु तमने एक डील हय्‌न बोलावला बी से, तमारा मन मे राज करे; अने घणा वारु से केय एवा बणीन रेवो। 16 ✝3:16 ईफीसीयो 5:19,20मसी ना बोल ने आह़फा ना मन मे पुरी रीती सी बहवा देवो, अने नामह़ाद्‌याण अक्‌कल भेळ एक-बीजा ने ह़ीकाड़ो अने चेतावो, अने आह़फा-आह़फाम ना मन मे घणो वारु से केता जाय्‌न भगवान जुगु भजन अने बड़ाय नु गीत अने आत्‌मीक गीत गावो। 17 भगवान ना बोल सी नीता काम सी जे कंय बी करो आखु मालीक ईसु नाम सी करो, अने तीनी लारे भगवान बाह ने घणो वारु से केवो।*3:17 ईफीसीयो 5:19,20

नवली जीवाय ना घोराणा ना कायदा

18 ✝ 3:18 ईफीसीयो 5:22; 1 पतरस 3:1 ए लाड्‌या, जेम मालीक मे वारु से, तेमेत आह़फी-आह़फीम ना लाडा नी ह़ाते रेवो।*3:18 ईफीसीयो 5:22; 1 पतरस 3:1

19 ✝ 3:19 ईफीसीयो 5:25; 1 पतरस 3:7 ए लाडा, आपणी-आपणी लाडी ह़ाते मोंग राखो, अने तीमनी ह़ाते वातड़ा ना रेवो।*3:19 ईफीसीयो 5:25; 1 पतरस 3:7

20 ✝ 3:20 ईफीसीयो 6:1 ए सोरा, आखी वात मे आपणा-आपणा आय्‌ह-बाहाम ना हुकम मानो, काहाके मालीक आनीत सी खुस हये।*3:20 ईफीसीयो 6:1

21 ✝ 3:21 ईफीसीयो 6:4 ए आय्‌ह-बाहा, आपणा-आपणा सोराम ने रीह ना लगाड़ो, आसम नी हय जाय के तीमनो आह टुट जाय।*3:21 ईफीसीयो 6:4

22 ✝ 3:22 ईफीसीयो 6:5-8 ए चाकर्‌या, जे डील नी अनसारे तमारो मालीक से, आखी वात मे तीमना हुकम मानो, माणहु ने खुस करवा वाळान तेम देखावा करीन नी, पण मन नी सच्‌चाय सी अने भगवान नी बीक सी। 23 जे कंय तमु करो, खरला मन सी अने पुरो जीव अने डील लगाड़ीन करो, आहयु ह़मजीन के माणहु जुगु नी पण मालीक जुगु कर र्‌या। 24 काहाके तमु जाणो के तमने आनी बदले मालीक ने तां गेथु ईलाम ने तेवु चीज जड़हे; तमु मालीक मसी नी सेवा कर र्‌या। 25 ✝3:25 ईफीसीयो 6:9काहाके जे गलत करे तीहयो तीना गलत काम नो फोळ हात करहे,*3:25 ईफीसीयो 6:5-8 काहाके भगवान कोयनो भेद-भाव नी करे।