1 Tessalonicenses 1

अभिवादन

1 हमरो बाप परमेस्वर अना पिरभू*1:1 परमेस्वर का बेटा यीसु मसीह मा थिस्सलुनीकिया नगर को कलीसिया को नाव पौलुस सिलवानुस अखीन तीमुथियुस ला चिठ्ठी मा

किरपा अखीन सान्ती मिलहेत।

थिस्सलुनीकिया को भरोसा को उदाहरन

2 जबा-जबा आमी तुमी लोकगीन ला आपरी पिराथना*1:2बिनती मा हेत करतो हुयो परमेस्वर को धनबाद करसेजन। 3 तुमरो बिस्वास को काम अना माया को मेहनत अना आमरो पिरभु यीसु मसीह मा भरोसा अना धिरज को आस आपरो परमेस्वर अना बाबूजी को पुढ़ा सदा हेत करासेजन। 4 अगा भाऊ हुन अना बहिनीहिन हमी जानासेजन का परमेस्वर तुमला पिरेम करासे अना परमेस्वर न तुमला ओको होवन को साठी बेचीसेस। 5 काहेकी हमीना निरो गोस्टी लक नही पर ताकत अना पवीतर आतमा अखीन पिक्को बिस्वास को संग तुमी लोकगीन को बीच मा साजरो बारता को पिरचार करीया तुमी जानासेव का तुमरो कल्यान को लाई, तुमरो बीच मा हमरो सुभाव कसो होतो। 6 तुमी न आमरो, अना पिरभू को मंघा होयके मोठी आफत को सामना करता हुयो, पवीतर आतमा की हेत करके खुसी लक साजरी बारता ला मानयात। 7 ऐना रिति लक तुमी मकीदुनिया परदेस अखया अना यूनान देस को सबच भरोसा गीन लाई नमुना बन गयत। 8 तुमरो यहान लक पिरभू की खबर नही पर मकीदुनिया अखया अना यूनान मा बगर गई अना परमेस्वर मा तुमरो भरोसा की गोस्टी सदा होय रही से, तबा हमला कव्हनो को जघा ना हती। 9 लोक खुदच हमला सांग सेत का तुमरो कन हमरो कसो मान भाव भयो अखीन तुमी कोनो पिरकार देव-मुरती ला छोड़के परमेस्वर को कन फिरयो सेव जेनको लक तुमी खरो अना जित्तो परमेस्वर को सेवा मा बनीसेव। 10 अखीन वोको टूरा यीसु*1:10 परमेस्वर के बेटे का नाव की सरग लक आवनो की "बाट देखासेव," जेनला परमेस्वर न मरयो मा लक जित्तो करीस। मजे यीसु ला, जोन आमीला आवन वालो कोप लक बचाव से।