अधरमी मानूस
1 अगो भाऊगीन अबा आमी आपरो पिरभु यीसु मसीह को आवन को बारे मा अना ओको कठा तुमरो एकठ्ठो होवन को बारे मा तुमी लक बिनती करसेजन 2 का कोनी आतमा लक या गोस्टी या चिठ्ठी लक जोन की मानो आमरो कनलक होवासे, यो आयक के का पिरभु को दिवस आय गई से, तुमरो मन एकदम बेचित्त नही होयहेत अना तुमरो मन नोको घबराहे। 3 काही रिती लक कोनी को दगा मा नोको आवनो, काहेका उ दिवस आहे जबा तकन धरम ला तज दियो जाहे। अखीन "खोटो करम वालो नास वालो मानूस" परगट ना होयहेत। 4 जोन विरोध करासे, अना हरेक जोन परमेस्वर या पुजा को लायक2:4महान कहलावासे, उनलक आपरो आप ला मोठो दिसावसे। यहान तकन की उ सब लक वरता पायो जावनवालो परमेस्वर को मंदिर मा बसके आपरो आप ला परमेस्वर साँगासे।
5 का तुमला हेत नहाति का मि तुमरो यहान होतो, ता तुमला यो गोस्टी साँगत होतो? 6 जो ओला अबा रोक लेई सेस का उ आपरो बेरा मा दिसे। तुमी ओनो चीज ला जानासो 7 काहेकि अन्याय को राज2:7सैतान का भेद अबा भी काम कर रही से काहेका एक रोकनवालो खोटो करम से; अना जबा तकन उ दुहुर नही होहे, उ रोकत रह। 8 तबा उ अधरमी दिसे जेनला पिरभु यीसु आपरो टोंड लक फुँक के जान लक मार डाकेह अना आपरो आवन को तेज लक भस्म कर देहे। 9 ओनो अधरमी को आनो असो होहे जसो सैतान को कामकाज को जसो का सबच तरीको को झुठी ताकत अना चिन्ह अना अचँभा काम को सँगा 10 अना नास होवन वालो को साठी अन्याय को धोखा को सँगा होहे; काहेकि उनना खराई लक माया नही राखिन जेनको लक उनको सुटकारा होतो। 11 योच कारन लक परमेस्वर उनमा एक भटकावन वालो ताकत ला धाड़े जोकोलक की वय झुठो को भरोसा करहेति, 12 जेनको लक जेतरा लोक खराई लक भरोसा नही राखेहेत वरन अधरम लक खुस रहेत, वय सबच दन्ड भोग हेत।
तुमी सुटकारा पावन साठी बेचया गया
13 ओह भाऊगीन अना पिरभु का माया वारा लोकगीन, आमी तुमरो बारे मा परमेस्वर ला सदा धनबाद ऐकोलाई देसेजन, की परमेस्वर ना सुरु मा किरिया की अनुसार तुमला बेचके राखीसेस, जोको लक तुमी आतमा कन लक पवीतर बनके अना खराई मा भरोसा राखके मुकती मिल्हेत। 14 जोन को साठी ओने तुमला आमरो साजरो बारता कन लक हाकलीसेस, की तुमी आमरो पिरभु यीसु मसीह को महिमा ला पाहो। 15 एकोसाठी अगो भाऊगीन तुमी अडिग रव्हने; जोन जोनसी सिक्सा तुमी ना गोस्टी या चिठ्ठी कन लक सीकायो सेव ओला धरो रव्हने।
16 आमरो पिरभु यीसु मसीह खुदच अना आमरो बाबूजी परमेस्वर जेनला आमी ना माया राखिसेजन, वाच आमला दया अना हरामेसा को सान्ती लक साजरो आस देइसेस। 17 तुमरो मन ला सान्ती देहे। अना तुमला सबच साजरो काज अना गोस्टी मा पक्को राखेह।