Efésios 6

13 एकोलाय परमेस्वर को सबच हतियार डाक लेवने, जोको लक तुमी बुरो दिवस मा सामना कर सकहो अना सबच काही पूरो करके पक्को रव्ह सकने।

14 ऐना रिती लक खराई लक नोको चुकने अना धरमी बनयो रव्हने, 15 पाय मा मेल मिलाप को साजरो बारता को तैय्यारी को पनही डाकके पक्को रव्हने। 16 एने सबलक मोठी गोस्टी यो से का भरोसा को ढाल को रूप मा ले लेवो। जोको लक तुमी ओनो सबच जलतो हुयो तीर हुन ला बुझाय सको, जो बदी को कनलक छोड़यो गयी सेत। 17 अना सूटकारा को टोप अना आतमा को तलवार, जोन को परमेस्वर गोस्टी जो की आतमा को तलवार से, लेव लेने। 18 हरेक बिनती अना बिनती लक पवीतर आतमा मा सदा पिराथना करत रव्हने। अना यो मन मा हेत राखके सतरक रव्हने की कोसिस लक सबच पवीतर लोकगीन को साठी सदा पिराथना करतो रवहने।