Gálatas 1

अभिवादन

1 यो चिठ्ठी मि पौलुस को कन लक लिख्यो गयी से। जोन ला खुदच यीसु मसीह अना परमेस्वर बाबूजी ना मोला पेरीत*1:1पेरीत ठहराईसेस। जेने ओला मरयो हुवो मा लक मंग लक जित्तो करीसेस जोन ना तो मानूस को कन लक अना ना कोनी मानूस कन लक पेरीत ठहरायो गयो सेव। 2 मि अना जेतरा भाऊ-बहिन मोरो संग सेति, गलातिया छेतर की कलीसिया ला हात जोड़ासेजन।

3 आमरो बाबूजी परमेस्वर अना पिरभु यीसु मसीह तुमी लोकगीन ला दया अना सान्ती देहे।

4 मसीह ना आमरो पापगीन को साठी आपरो ला बलिदान करदेइस। जेनको लक की उ आमरो बाबूजी परमेस्वर की मरजी को लक एना बेरा को पापी जुग लक आमरो सूटकारा करेत। 5 ओकी महिमा जुग-जुग तकन बनी रव्हे। आमेन।

एकच साजरो बारता से

6 मोला अचंभा होवासे की जेना तुमी लोकगीन ला मसीह को दया*1:6 मसीह का अनुग्रह कन लक हाकलीस। ओला तुमी एतरो लहाकी लक सोड़ के कोनी दुजो साजरो बारता का मंघा होय गयत। 7 वाकई मा, "दुजो कोनी साजरो बारता" नहाती, पर काही लोक तुममा सांती भँग करसेति। अना मसीह को साजरो बारता ला अकारत करनो चाव्हसेत। 8 पर जोन साजरो बारता मीना तुमला आयकवाईसु, अदी कोनी खुदच हमि या कोनी सरग को दूत कायलाई नही होहे, ओनो बेगरो साजरो बारता तुमला आयकावाहे ता उ सापित होहे। 9 जोन काही मि कवह चुकीसेव, वाच मंग कवहसु जोन साजरो बारता तुमला मिलयो से अदी कोनी दुजो अलग साजरो बारता तुमला आयकावासे। ता उ सापित से।

10 अता मि कोन को दया चाव्हसेउ? मानूस को या परमेस्वर को? अदी मि मानूसगिन ला राजी करन चाव्हतो तो, तो मि मसीह को दास बनन काबिल नही होतो।

पेरीत पौलुस कन लक सांगो गयो साजरो बारता मानूस रचयो नही से।

11 अगो भाऊ अना बहिनगीन। मि तुमी लोकगीन ला दिलासु। की मीना जो साजरो बारता आयकाईसेउ। उ मानूस लिखयो नही से। 12 मीना कोनी मानूस को मदद लक ओला नही अपनायो अना नही सिकयो , पर ओला खुदच यीसु मसीह ना मोरो पर दिसाईसेस।

13 का तुमी लोकगीन आयकासेव, की जबा मि यहुदी धरम नियम मा चलनवारो होतो ता मोरो सुभाव कसो होतो? मि परमेस्वर की कलीसिया ला लगत तँगात*1:13 सताता होतो। अना ओला नास*1:13 मारता करत होतो। 14 जसो मोरो आजा पुरखा नियम धरम खुसी*1:14 जागरुक तरह से लक मनावत होतीन, वसोच मि भी मनावत होतो। अना यहुदी धरम नियम पालनो मा मोरो संगी साथी यहुदी गीन लक सब मा बढ़के होतो।

15 पर परमेस्वर ना मोला माय को गरभ लक बेगरोच कर लेई होतीस अना मोरो पर दया करके ना मोला हाकलीस। 16 परमेस्वर ना मोला आपरो टूरा ला दिसाईस अना मोला अलग कर देइस का मि यीसु को साजरो बारता ला परजात ला सांगु। एको मंघा मीना कोनी निरो मानूस *1:16 माँस अना रकत के बगैर खून को रिस्तेदार लक नही पुसयो। 17 अना मी यरुसलेम को पेरीत गीन ला भी नही पुसयो। पर मि एकदम लक अरब देस ला चली गयो, अना मि दमिसक नगर वापिस आय गयो। 18 पर तीन बरस मंघा, पतरस लक खबर लेवन साठी यरुसलेम नगर गयो। अना उनको संगा एक पँदरवाड़ी*1:18 पँद्रह दिवस तकन रहयो। 19 पर मोरी भेंट*1:19मूलाकात वहान कोनी लक नही भई, केवल पिरभु को भाऊ पेरीत याकूब लक भई। अखीन वहान कोनी लक नही भई।

20 परमेस्वर जानासे की जोन गोस्टी मी तुमला लिखीसेव, ओमा काही खोट नाहती।

21 ऐको मंघा मि सीरिया अना किलकिया छेतर मा आयो। 22 ओना बेरा यहुदिया छेतर की कलीसिया जोन मसीह मा से। मोला साजरो लक नही जानत होतीन। 23 अना एतरोच आयकिन होतीन की "जोन मानूस हमला पयले सतावत होतो, उ अबा भरोसा को साजरो बारता आयकवाई रही से। जेनला उ पुढ़ा नास करत होतो।" 24 वो मोरो बारे मा परमेस्वर को बड़ाई करत होतीन।