सुभाव को साठी खरी सिक्सा
1 पर तुमी असी गोस्टी सांगो जोन खरो सिक्सा को लायक सेत। 2 मजे बुजरुक मानूस हुसियार अना गम्भिर नरम अना आपरो मन ला कबजा मे राखनवारा2:2संयमी, जितेन्द्रिय होहे, अना वोको भरोसा अना माया अना धीरज पक्का होहे। 3 असी रिती लक सेविका बुजुरुग बायकागीन को चाल-चलन मा पवीतर लोकगीन जसो होय। वय लान-छान लगावन वाली अना दरवा नही, पर साजरी गोस्टी सिकावनवारी होय। 4 ताकि वय जवान बायकागीन ला चेतात रव्हे। की आपरो नवरागीन अना लेकरागीन लक माया राखे। 5 अना धीरज धरन वारो, पवीतर, घर को काम करनवारी, साजरी अना आपरो-आपरो घरवालो को बसमा रव्हनवारी होय, ताकि परमेस्वर को गोस्टी को निन्दा न होवनो पाय।
6 असोच जुवान मानूसगिन ला भी आदर समेत समजावने की धीरजवन्त होवो। 7 सब गोस्टीहुन मा आपरो आप ला साजरो कामकाज को नमुना बनाव। तोरो पिरवचन मा सफाई, गम्भीरता, 8 अना असी खराई पाई जाहे, की कोनी ओला बुरो कव्ह नही सकत, जोको लक विरोध करनवारा गीन आमी पर कोनी "उँगठी उठानो" को मौका न पायके लज्जाहेति।
9 दास गीन ला समझाव की आपरो-आपरो मालिक को बस मा रहेति, अना सब गोस्टीहुन मा उनला खुस राखेति, अना पलट के ना जवाब नही देहेति। 10 चोरी चालाकी नोको करने, पर सबच परकार लक साजरो भरोसा करनवारा हिटेत, की वय सबच गोस्टीहुन मा आमरो बचावन वालो परमेस्वर को उपदेस को सोभा बढ़ाहेत।
11 काहेका परमेस्वर को उ दया दिसायी गयो से, जोन सबच मानूस को मुक्ति को कारन से। 12 अना आमी चेतावनी देवा सेजन, की आमी बिना भक्ति को, अना दुनिया को मन मरजी लक मन हटाव के, ना यो जुग मा धीरज अना नेकी अना भक्ति लक जिंदगी बितावबिन। 13 अना ओनो धन्य आसा को, मजे मोठो परमेस्वर, अना बचावन वालो यीसु मसीह, को महिमा को दिसायो जावनो की रस्ता चोवासेजन। 14 जेने आपरो आप ला आमरो साठी दे देईसेस, की आमी ला हरेक परकार लक दुस्टपन लक छुड़ाय लेहे। अना आपरो बेचयोगयो लोकहुन को रूप मा आमीला पवितर करलेव, जोन लक नेक काम करन लाई आमी हरमेसा तैय्यार रव्हे।
15 पूरो हक को सँगा यो गोस्टी बढ़ावा देव, अना समजने अना सिकावने की कोनी तुमरो गोस्टी आयक के लापरवाही नोको करेत।