Езра 1

Парсы патшасы Кирдің жарлығы

1 Парсы патшасы Кирдің (Бабылға) билік құрған алғашқы жылы*1:1 Б.з.д. 538 ж. Есімі Күрос деп те айтылатын Кир Бабыл қаласын б.з.д. 539 ж. қазан айында басып алған еді (Дан 5:31; 6:28). Жаратқан Ие оның жүрегіне түрткі салып, бүкіл патшалығы бойынша жарлық шығартып, хат та жазғызып жібертті. Бұл, Жаратқан Иенің Еремия пайғамбар арқылы алдын ала айтқан сөзінің*1:1 Ерм 25:11-12; 29:10-14; 51:11; Шеж2 36:22-23. жүзеге асуы үшін болды. Хатта былай деп жазылды:

2 «Парсы патшасы Кирдің бұйрығы мынау: Көктегі Құдай — Жаратқан Ие маған жер бетіндегі барлық патшалықтарды тапсырды. Ол мені Яһуда жеріндегі Иерусалим қаласында Өзіне арнап киелі үй салуға да тағайындады. 3 Араларыңдағы Оның халқына жататын әр адам Яһудадағы Иерусалимге өрлеп барып, Исраилдің Құдайы Жаратқан Иеге, яғни (жер бетіндегі тұрағы) Иерусалимде болатын Құдайға, арнап киелі үй салсын! Баратын әркімге Құдайы жар бола көрсін! 4 Осы халықтан тірі қалғандарға олар қазір тұрып жатқан әрбір жердің адамдары алтын-күміс пен мал-мүлік беріп көмектессін!*1:4 1:6; Мыс 12:35-36. Сонымен қатар көршілері оларды Құдайдың Иерусалимдегі киелі үйіне арнайтын ерікті тартулармен*1:4 1:6; 7:15-16; 8:28; Мыс 35:5,29; Заң 16:10. де қамтамасыз етсін!»

Зоробабелдің жетекшілігімен елге қайтқан көш

5 Сонда Құдай Яһуда мен Бунямин руларының*1:5 Яһуда, Бунямин: бұрынғы Яһуда (яки Оңтүстік Исраил) патшалығындағы басты рулар. бірсыпыра әулет басшылары, діни қызметкерлер және леуіліктердің жүректеріне Иерусалимге өрлеп көшіп барып, Жаратқан Иенің киелі үйін қайта тұрғызуға түрткі салды. 6 Күллі көршілері бұларға алтын-күміс бұйымдар, мал-мүлік және басқа да қымбат сыйлықтар берді. Сонымен қатар оларға киелі үйге арналған ерікті сый-тартуларын да табыстады.

7 Бабыл патшасы Набуходоносор кезінде Жаратқан Иенің Иерусалимдегі киелі үйінен тонап алып кетіп, өз тәңірінің ғибадатханасына әкеліп қойған бұйымдарды Кир патша содан шығартып алдыртты.*1:7 Пат4 24:13; 25:14-15; Шеж2 36:7,18; Ерм 52:18-19.8 Кир патша өзінің қазынашысы Митредатқа тапсырма беріп, ол сол бұйымдарды Яһуда халқының басшысы Шешбасарға*1:8 (5:14) Осы есімнің Шенасар деген түрі де бар. Яһуда елінің бұрынғы патшасы Ехонияхтың төртінші ұлының есімі Шенасар болатын (Шеж1 3:17-18). тізім бойынша табыстады.

9 Сол бұйымдардың тізімі мынау: отыз алтын табақ,*1:9 (Рул 7:84; Шеж1 28:17) Немесе: алтын ыдыстар салынған отыз қап. бір мың күміс табақ, жиырма тоғыз пышақ,*1:9 Немесе: күміс таба.10 отыз алтын тостаған, төрт жүз он қалпы бірдей күміс тостаған және бір мың басқа бұйымдар. 11 Алтын-күміс бұйымдардың жалпы саны бес мың төрт жүз дана*1:11 Бұл сан жоғарыдағы тізімге тіркелмеген басқа бұйымдарды да қамтыған болса керек. болды.

Жер аударылғандардың көші Бабыл елінен Иерусалимге кері оралғанда, Шешбасар осылардың бәрін өзімен бірге алып барды.