Еврейлерге хат 4

9 Мұның бәрі осылай болғандықтан, Құдайдың Өзі жетінші күні демалып тыныққаны сияқты, Оның халқы үшін де шынайы тыныштыққа*4:9 Немесе: сенбі (яғни демалыс) күнінің тыныштығына. Яки: Мәсіхке сеніп, Құдай әзірлеп қойған тыныштыққа (4:1-4). жету мүмкіндігі әлі де бар. 10 Құдайдың жарату жұмысын тамамдаған соң тынығып демалғанындай, Оның дайындап қойған шынайы тыныштығына ие болған әркім де өз бетімен еңбектенуін доғарып, тынығады.*4:10 Демек, шынайы тыныштығына кірген әр сенуші де Құдай алдында ақталу үшін өзінің жасаған игі істеріне сүйенбейді (Рим 4:1-25).11 Сондықтан ешқайсымыз ата-бабаларымыз сияқты бағынбаушылыққа бола сол тыныштықтан құр қалмау үшін оны иемденуге жан сала ұмтылайық!