Әйүп 5

Елипаздың Құдай Әйүпті түзетіп жатыр деген пікірі

1 Ал енді, Әйүп, шақырғың келсе, шақыр! Жауап беретін біреу болар ма екен? Періштелердің*5:1 Яки: Құдайдың Өзіне бағыштаған (қасиетті) қызметшілерінің (15:15; Заң 33:2; Дан 7:10). қайсысынан көмек сұрамақсың?

2 «Ашу-ызасы ақымақты жояр,*5:2 Нқл 12:16; 27:3. күншілдігі аңқауды құртар»*5:2 Пат1 18:8-9; 19:1,9-10. деп дұрыс айтылған. 3 Ақымақтың тамыр жайған ағаштай өркендегенін де көрдім, бірақ дереу оның үй-жайы Құдайдың қарғысына ұшырайды деп бағаладым. 4 Оның балалары амандықтан аулақ жүр. Сотта оларды қыспақтайды, ал арашалайтын ешкімі болмайды. 5 Ақымақтың өнімін аш адамдар жалмап қояды. Олар оның тікенді бұтақшалар астына сақтап қойған астығын да алып кетеді. Оның мал-мүлкін залымдар иемденуге құмартады. 6 «Азап топырақтан өсіп шықпас, ауыртпалық та жерден шыға келмес». 7 От ұшқындарының жоғары қарай лап ететініндей,*5:7 Немесе: Бүркіт самғап ұшу үшін жаралғандай. адам баласы да ауыртпалық шегу үшін дүниеге келеді.*5:7 14:1; Жар 3:17-19; Жыр 89:7-10; Уағ 1:8; 2:22; 5:15-17.

Елипаздың мәселелерді Құдайға тапсыру жайлы кеңесі

8 Ал, Әйүп, егер мен сенің орныңда болсам, Құдайға бет бұрып сиынып, ісімді Оның алдына апарар едім. 9 Құдай адам толықтай ұға алмайтын ғажап істерді істейді, сан жетпес кереметтерді жасайды: 10 Ол жер бетіне жаңбыр жаудырып, егістікті суға қандырады. 11 Құдай кішіпейілдерді жоғарылатып, қайғырғандарға құтқарылу сыйлайды. 12 Ол айлакер қулардың жоспарларын бұзып, оларды табысқа жеткізбейді. 13 Құдай данышпан делінгендерді қулықтарынан ұстап алады.*5:13 37:24; Пат2 15:31; 17:23; Ест 7:10; Қор1 3:19. Айлакер зұлымдардың арамза кеңестері тез құриды. 14 Күндіз олар түнекке тап болып, тал түсте де түндегідей сипалап жүреді. 15 Құдай мұқтажды мықтылардың өткір сөздерінен*5:15 (4:10-11; Жыр 34:10) Немесе: мықтылардың аузындағы семсерден. құтқарады. Оларды қуаттылардың қолынан аман сақтап қалады. 16 Сондықтан енді кедейде үміт бар, ал әділетсіздің аузы тас жабылған.

17 Құдай ескертіп түзететін адам қандай бақытты! Сондықтан құдіреті шексіз Хақ Тағаланың тәрбиесін елемей жүрме! 18 Өйткені Ол жара салса, соны Өзі таңады, соққы берсе, өз қолдарымен сауықтырады да. 19 Құдай сені алты рет қиыншылықтан құтқарады. Апат тіпті жетеу болса да, саған жоламайды.*5:19 Яғни жамандық саған қанша көп шүйліксе де, соның бәрінен Құдай сені аман алып қалады (Жыр 34:18,20-21; 90:9-11).20 Хақ Тағала сені ашаршылық жайлаған кезде өлімнен құтқарып, шайқас кезінде семсердің құдіретінен де аман алып қалады. 21 Тілдің пәлесінен аулақ болып, ойран келгенде де қорықпайсың. 22 Қайта, күйреу мен ашаршылыққа күле қарайсың, елдегі жыртқыш аңдардан да қауіптенбейсің. 23 Сонда даланың қойтастары бөгет болып егіндігіңде жатпайды. Елдегі жыртқыш аңдар да өзіңмен тату-тәтті тұратын болады.*5:23 Иш 11:6-9; 65:25.24 Өз мекеніңнің аман-есен екеніне сенімді боласың. Отар-табындарыңды санап шыққанда, бірде-бір малыңның жоғалмағанына көзің жетеді. 25 Ұрпағыңның көп екенін біліп жүретін боласың. Өзіңнен тараған үрім-бұтағың жер бетіндегі шөптей мол болмақ. 26 Егіннің дер кезінде бауланып, қырманға әкелінетініндей, өзің де көп жасап, о дүниеге армансыз аттанасың.*5:26 Немесе: қайтыс болып, қабірге қойылған кезіңе дейін денеңнің қуаты кетпейді (42:17; Жар 25:8; 49:33; Заң 34:7; Нқл 3:2,16; 4:10; 9:11; 10:27).

27 Міне, біз осыны зерттеп, оның ақиқат екеніне көз жеткіздік. Сондықтан оны тыңдап, жақсылап біліп алсаң екен!