Нақыл сөздер 4

Даналық пен әділдікті ұстануға арналған әке өсиеті

1 Балалар, әке өсиетіне*4:1 Яки: әкенің берген тәрбиесіне. құлақ түріңдер,

Парасатқа ықылас бөліп, меңгеріп алыңдар,

2 Өйткені мен сендерге игі тәлім беремін,

Бас тартып кетпеңдер үйреткен өсиетімнен!

3 Өзім де әкемнің қасындағы ұлы болдым,

Көзінің қарасы, шешемнің жалғызы едім.

4 Әрдайым былай деп әкем маған үйрететін:

Жүрегіңе сөздерімді берік тоқып алғын,

Өсиеттерімді орындап өмір сүргін.

5 Парасатқа ие болып, даналыққа кенелгін,

Сөздерімді ұмытып, бас тартып жүрмегін.

6 Даналықтан безбе, сонда ол сені қорғайды,

Ұдайы оны сүйсең, сені аман сақтайды.