1 Po nebo pojavisajlo baro znako: manušnji lačhardi ando kham, tale laće pungre sas o čhonut, a pe lako šoro o venco katar e dešuduj čereja. 2 Sas khamni thaj čholas muj katar e bijandipešće muke, thaj mučilaspe te bijanel. 3 Askal po nebo pojavisajlo aver znako: Aždaja, bari, loli sago jag. Sas lat efta šore thaj deš šnga, a pe laće šore efta krune. 4 Pire porjava voj crdas o trito kotor čereja katar o nebo thaj čhuda len pe phuv. Askal ačhili paše manušnji savi trubuja te bijanel, te hal laće čhavre kana bijanela. 5 E manušnji bijandas muško čhavre, savo vladila pe sa e thema e sastrune rovljasa. Ali o čhavro sas lino ko Del thaj ke lesko prestolje, 6 a e manušnji našli ande pustinja, po than savo o Del pripremisarda pale late, te okote vodin e briga pale late milja duj šela thaj šovardeš đes.

7 Askal po nebo nastanisarda o rato. O Mihailo zaratisarda protiv e Aždaja pire anđelenca. A e Aždaja zaratisarda pire anđelenca protiv o Mihailo, 8 ali našti izdržisarda thaj hasarda piro than po nebo. 9 Gajda sas čhudini e bari Aždaja, o purano Sap, savo akhardol beng thaj Satana, savo sasto them andas ande zabluda. Sas čhudino pe phuv, a lasa vi laće anđelurja.

10 Askal ašundem o zuralo glaso po nebo sar phenel:

"Akana areslo o spasenje thaj sila

thaj o carstvo amare Devlesko.

Lesko Mesija sikada piri vlast

kaj, čhudino si okova savo prl amare phralen.

Vo prlas len o đes thaj e rjat angle amaro Del.

11 Von pobedisardine les e Bakhrešće ratesa

thaj e alavenca katar piro svedočanstvo.

Thaj umesto te volin o trajo,

von izabirisardine o smrto.

12 Zato raduin tumen e nebesa

thaj vi tumen save trajin pe lende.

A teško tumenđe e phuvjaće thaj e morešće,

kaj o beng fuljisto tumende

e bare holjasa,

zato kaj džanel kaj ačhilo lešće još cara vrjama."

13 Kana e Aždaja dikhla kaj si čhudini pe phuv, teljarda te progonil e manušnja savi bijanda muško čhavre. 14 Ali e manušnji dobisarda duj phaka e bare orlošće gajda te šaj furjal ande pustinja kaj si laće pripremime o than dur katar o Sap kaj vodina e briga pale late trin thaj epaš brš. 15 Askal o Sap mukla andar o muj sago e reka o paj pale manušnji te e reka inđarel lat. 16 Ali e phuv pomognisardas e manušnjaće gajda kaj putardas piro muj, thaj nakhadas e reka savi e Aždaja mukla andar piro muj. 17 E Aždaja holjajli pe manušnji thaj đeli te ratuil protiv laće potomkurja save ačhiline. Godova si okola save inćaren e Devlešće zapovedi thaj svedočin palo Isus. 18 Thaj e Aždaja ačhili pe obala e morešći.